تيمۋر مۇراتوۆتىڭ ايتۋىنشا, ەلوردانىڭ كوپتەگەن تۇرعىنى دارىگەرگە قارالۋدىڭ ورنىنا ءوزىن-ءوزى ەمدەيمىن دەپ قاتەلىك جاسايدى.
ء«وزىن-ءوزى ەمدەيمىن دەپ ستاتسيونارلارعا تۇسەتىن ناۋقاستاردىڭ قاتارى كوبەيىپ جاتىر. مەديتسينالىق كومەككە ۋاقىتىلى جۇگىنبەۋ, انتيكواگۋليانتتار پايدالانىپ ەمدەلۋدىڭ سالدارى اۋىر كۇيدە رەانيماتسياعا جەتكىزىپ جاتىر», دەپ اتاپ ءوتتى تيمۋر مۇراتوۆ.
قازىر جەدەل مەديتسينالىق جاردەم بريگادالارى, سونداي-اق بمسك ۇيىمدارى جانىنداعى ءموبيلدى بريگادالارعا ۇلكەن جۇك ءتۇسىپ وتىر.
ماسەلەن, وتكەن تاۋلىكتە ەلوردانىڭ جەدەل جاردەم قىزمەتىنە 4 مىڭ ءوتىنىش ءتۇستى, قوڭىراۋ سانى – 2 300, كۆي بويىنشا قوڭىراۋ – 310.
ء«موبيلدى بريگادالار كۇنىنە 2 مىڭعا جۋىق ۇيگە شىعادى. بمسك ۇيىمدارىندا 10 600-دەن استام پاتسيەنت ەمدەلىپ جاتىر. ايتا كەتۋ كەرەك, اۋىر كۇيدەگى ناۋقاستاردىڭ بارىندە قوسىمشا 1-2 اۋرۋى بار», دەدى سپيكەر.
ول سونداي-اق 30 جانە ودان جوعارى جاستاعى ادامدار ءجيى تۇسە باستاعانىن ايتتى.
تيمۋر مۇراتوۆ حالىقتى جاپپاي ۆاكتسيناتسيالاۋ عانا كوروناۆيرۋس اۋرۋىنىڭ ءوسۋىن توقتاتاتىنىن ەسكە سالدى. بۇل ءۇشىن قالادا بارلىق جاعداي جاسالعان – بمسك مەكەمەلەرىندە, قالانىڭ ءىرى سوو-لارىندا دەمالىس جانە مەرەكە كۇندەرى جۇمىس ىستەيتىن 100-دەن استام ەگۋ پۋنكتى بار.
