ونىڭ سينتەتيكالىق ەسىرتكىنى جاسىرىپ كەتۋ ءادىسى ارقىلى تاراتقانى بەلگىلى بولىپ وتىر. ۇستاعان كەزدە ودان اق ۇنتاق ءتارىزدى 9 تۇيىنشەك الىندى. تاعى 16 تۇيىنشەك كۇدىكتى كورسەتكەن جاسىرىلعان جەرلەردەن جانە 3-ءۋى جالعا العان پاتەردەن شىقتى.
سونىمەن قاتار پاتەردەن ەسىرتكىنى ءبولىپ سالاتىن قۇرالدار دا تابىلدى, اتاپ ايتقاندا, گرامدىق تارازى, ولشەۋىش قاسىق, بۋىپ تۇيەتىن ماتەريال (زيپولكتار, وقشاۋلاۋ تاسپاسى) الىنعان. اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, ەسىرتكى ساتىلىمىن جازالايتىن قك 297-بابى بويىنشا ايىپتالاتىن بولادى.
«ساراپتامانىڭ قورىتىندىسىنا قاراعاندا الىنعان زات «مەفەدرون» دەگەن اتپەن بەلگىلى قازىرگى تاڭداعى اسا قاۋىپتى ەسىرتكى بولىپ تابىلادى. تاركىلەنگەن زاتتىڭ جالپى سالماعى — 49,15 گرامم, بۇل اسا ءىرى كولەمگە جاتادى. قاراپايىم ەسەپ بويىنشا ودان ءبىر رەت پايدالانۋعا بولاتىن 800 دوزانى الۋعا بولادى. قازىر وسىنداي سينتەتيكالىق ەسىرتكىنى تاراتۋعا قارسى كۇرەسكە ەرەكشە كوڭىل بولىنەدى. جىل باسىنان بەرى باسقا قالالاردىڭ تۇرعىنىن ۇستاۋدىڭ ءتورتىنشى جاعدايى تىركەلىپ وتىر», دەيدى سقو پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى پوليتسيا پولكوۆنيگى جاندوس باسىباەۆ.
