الەم • 22 شىلدە، 2021

كوروناۆيرۋسقا قارسى كاپسۋلالى ۆاكتسينا جاسالا باستادى

76 رەت كورسەتىلدى

يزرايل الەمدەگى العاشقى كوروناۆيرۋستىق ۆاكتسينانى كاپسۋلا تۇرىندە جاسادى. قازىرگى تاڭدا بۇل ۆاكتسينا كلينيكالىق زەرتتەۋلەردەن وتۋدە. بۇل تۋرالى The Times of Israel سايتى اقپارات جاريالادى، دەپ حابارلايدى Egemen.kz

سىناقتار يزرايل دەنساۋلىق ساقتاۋ مينيسترلىگى ماقۇلداعاننان كەيىن سۋراسكي مەديتسينالىق ورتالىعىندا جۇرگىزىلەدى. تەستىلەۋگە باسقا ۆاكتسينامەن ەگىلمەگەن 24 ەرىكتى قاتىسادى. توپتىڭ جارتىسى ءبىر كاپسۋلانى، ال قالعاندارى پرەپاراتتىڭ ەكى دوزاسىن قابىلدايدى. زەرتتەۋ مەرزىمى التى اپتاعا سوزىلماق.

Oramed Pharmaceuticals كومپانياسىنىڭ باس ديرەكتورى ناداۆ كيدرون جاڭا ۆاكتسينانىڭ بىرنەشە ارتىقشىلىقتارىن اتادى.

«بىرىنشىدەن، ول كوروناۆيرۋستىڭ ءار ءتۇرلى شتامدارىنا ءتوزىمدى، ويتكەنى Moderna جانە Pfizer-گە قاراعاندا ول ۆيرۋستىڭ ءۇش قۇرىلىمدىق اقۋىزىنا باعىتتالعان. ەكىنشىدەن، مۇنداي پرەپاراتتار، ادەتتە، جاناما اسەرلەردى كوپ تۋدىرا بەرمەيدى. بولاشاقتا ۆاكتسينانىڭ بۇل ءتۇرى ونى ۇيدە وتىرىپ-اق قابىلداۋعا مۇمكىندىك بەرەتىن بولماق»، دەپ ءتۇسىندىردى كومپانيا ديرەكتورى.

ناداۆ كيدروننىڭ ايتۋىنشا، كاپسۋلالى ۆاكتسينانى بۇكىل الەم بويىنشا تاسىمالداۋ قيىندىق تۋدىرمايدى. سەبەبى، ونى ساقتاۋ ءۇشىن ەرەكشە شارتتار قاجەت ەمەس، سوندىقتان ۆاكتسينانى ستاندارتتى تەمپەراتۋرادا تاسىمالداۋعا بولادى. 

Oramed Pharmaceuticals كومپانياسىنىڭ باس ديرەكتورى مەديتسينالىق زەرتتەۋ سىناقتارى ءساتتى وتسە، ونىڭ باسقا ەلدەرگە تاراتۋ جولدارىن ىزدەيتىنىن ايتتى. ونىڭ ايتۋىنشا، مۇنداي پرەپاراتتار اسىرەسە وڭتۇستىك امەريكا مەملەكەتتەرىنە قاجەت.

سوڭعى جاڭالىقتار

ۇقساس جاڭالىقتار