ءبىلىم جانە عىلىم مينيسترلىگى حالىقارالىق كونسورتسيۋممەن بىرلەسىپ, ماماندار ءۇشىن ارنايى ترەنينگتەر ۇيىمداستىردى. ناتيجەسىندە, ولار وقۋلىقتاردى ازىرلەۋ مەن ساراپتاۋدىڭ حالىقارالىق تاجىريبەسىمەن تانىسادى. بۇل بولاشاقتا وقۋلىقتاردى تەكسەرۋ ءتاسىلىن جەتىلدىرۋگە ىقپال ەتەدى.
بۇگىنگى تاڭدا رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعىنىڭ 40 جەتەكشى ساراپشىسى كۋرستان ءوتتى.
«وقۋلىقتار وقۋشىلار مەن اتا-انالاردىڭ سۇرانىستارىنا سايكەس بولۋى كەرەك. سوندىقتان قازاقستاندىق وقۋلىقتارعا قاتىستى شاعىمدار سانىن ازايتۋ ءۇشىن جوسپارلى جۇمىس جۇرگىزەتىن بولامىز. وقىتۋ بارىسىندا قازاقستاندىق جانە شەتەلدىك جاتتىقتىرۋشىلار ءوز تاجىريبەلەرىمەن ءبولىسىپ, ساراپشىلاردى مەكتەپ وقۋلىقتارىن باعالاۋ ادىستەمەسىن پراكتيكادا قولدانۋدى ۇيرەتەدى. كۋرستار قازاقستاندىق ساراپشىلاردىڭ الەۋەتىن ارتتىرۋ ماقساتىندا «ورتا ءبىلىم بەرۋدى جاڭعىرتۋ» جوباسى اياسىندا وتكىزىلەدى», دەپ حابارلادى بعم ءبىلىم مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعى ديرەكتورىنىڭ ورىنباسارى مانشۇك مۇقامەتقالي.
كۋرستىڭ وقۋ ماتەريالدارى اۆتورلارعا قويىلاتىن جاڭارتىلعان تالاپتاردى, بارلىق مەكتەپ پاندەرى بويىنشا وقۋلىقتاردى باعالاۋ ادىستەمەسى مەن كريتەريلەرىن قامتيدى. سونىمەن قاتار وقىتۋ بارىسىندا باسقا ەلدەردىڭ ەلەكتروندىق وقۋلىقتاردى ساراپتاۋ تاجىريبەسى تالداندى.
