وڭىرلىك كوممۋنيكاتسيالار قىزمەتىنىڭ مالىمەتىنشە, «ۆاكتسينا ال دا, اقشالاي سىيلىققا يە بول» اتتى اكتسيانىڭ ەكىنشى كەزەڭىندە 200 مىڭ تەڭگەنىڭ سەرتيفيكاتى ويناتىلدى. اكتسيانى وبلىستىق «ازاماتتىق اليانس» زتب ۇيىمداستىردى. وعان 10 شىلدە ساعات 8:00-دەن 20 شىلدە ساعات 23:59-عا دەيىن ۆاكتسينانىڭ ءى نەمەسە ءىى كومپونەنتىن العان 34 301 ادام قاتىستى.
«اقشالاي ۇتىستىڭ جەڭىمپازدارىن انىقتاۋ تىكەلەي ەفيردە تاۋەلسىز باقىلاۋشىلاردىڭ قاتىسۋىمەن ءوتتى. وعان تاۋەلسىز باقىلاۋشى رەتىندە «بىلينا» ورىس ەتنو-مادەني بىرلەستىگىنىڭ توراعاسى اندرەي كورابلەۆ, «اتىراۋ – ادالدىق الاڭى» وڭىرلىك كەڭسەسىنىڭ مەنەدجەرى ميراس قابدولوۆ, «قوعامدىق كەلىسىم» قالالىق فيليالىنىڭ وكىلى رافيك سارسەنوۆ پەن جۋرناليست ەلميرا تۇڭعاتاروۆا شىقىرىلدى», دەپ حابارلادى وڭىرلىك كوممۋنيكاتسيالار قىزمەتى.
اكتسيانىڭ ەكىنشى كەزەڭىنىڭ ناتيجەسىندە كەزدەيسوق سانداردى تاڭداۋ ارقىلى 10 ادامعا 200 مىڭ تەڭگەنىڭ سەرتيفيكاتى بەرىلدى.
