ايماقتار • 22 شىلدە، 2021

ءۇش اۋداندا اۋەجاي سالىنادى

39 رەت كورسەتىلدى

باتىس قازاقستان وبلىسىندا جولاۋشى تاسىمالىن دامىتۋ ماقساتىندا سايقىن، جانىبەك جانە قازتالوۆ اۋىلدارىندا شاعىن ۇشاق ۇشىپ قوناتىن اۋەجاي سالىنادى. بۇل جونىندە وڭىرلىك جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى تيمۋر شىنيازوۆ حابارلاعان.

بوكەي ورداسى، جانىبەك جانە قازتالوۆ اۋداندارىنىڭ ورتالىعىندا اۋەجاي سالۋ ءۇشىن تەحنيكالىق-ەكونوميكالىق نەگىزدەمە 2019 جىلى ازىرلەنگەن ەكەن. ونى «ەدلي ي ك» جشس جوبالىق ۇيىمى دايىنداعان. «قازىرگى تاڭدا ءۇش اەرودروم سالۋ جوباسىنىڭ تەحنيكالىق-ەكونوميكالىق نەگىزدەمەسى مەملەكەتتىك ساراپتامادان ءوتتى. ەندى جوبالىق-سمەتالىق قۇجاتتامالار ازىرلەۋ شارالارى الىنىپ جاتىر»، دەيدى تيمۋر سەرىك ۇلى.

باسقارما باسشىلىعىنىڭ پىكىرىنشە، شالعاي اۋدان ورتالىقتارىندا اۋەجاي سالۋ جوباسى اۋدانداردىڭ دامۋىنا وڭ اسەر ەتەدى، ىشكى ءتۋريزمدى دامىتۋعا مۇمكىندىك بەرەدى، وبلىس ورتالىعى مەن اۋداندار ارالىعىندا ۇزدىكسىز اۋە قاتىناسىن قامتاماسىز ەتەدى. ايتا كەتەيىك، سايحىن مەن جانىبەك اۋىلدارى وبلىس ورتالىعى – ورال قالاسىنان 500 شاقىرىمنان اسا قاشىقتىقتا جاتىر.

اۋەجاي دەمەكشى، ورال قالاسىنداعى حالىقارالىق اۋەجاي عيماراتى كوپتەن بەرى جولاۋ­شىلار سىنىنا ۇشىراپ كەلەدى. اۋە­جاي عيماراتىنا باستالعان كۇردەلى جوندەۋ جۇمىسى سوزىلىپ، قايتا جاڭعىرتۋعا ۇلاسىپ كەتتى. بۇگىندە ونىمەن «ورال» الەۋمەتتىك-كاسىپكەرلىك كورپوراتسياسى مەن «ورال» حالىقارالىق اۋەجايى» جشس اينالىسۋدا. قايتا جاڭارتۋ كەزىندە اۋەجايدىڭ تەرمينال اۋماعى ەكى ەسەدەي كەڭەيىپ، تۇراقتار ۇيىمداستىرىلادى، اۋماق ماڭى اباتتاندىرىلادى. سونداي-اق اەروۆوكزال تەرمينالىنىڭ تەحنولوگيالىق قۇرال-جابدىعى جاڭارتىلىپ، حالىق­ارالىق ستاندارتقا، شەكارا جانە كەدەندىك باقىلاۋ تالاپتارىنا سايكەستەندىرىلمەك. قايتا جاڭارتۋ سوماسى شامامەن – 6،6 ملرد تەڭگەنى قۇرايدى. بۇل قارجى «قارا­شى­عاناق پەترولەۋم وپەرەيتينگ ب.ۆ» كوم­پانياسىنىڭ الەۋمەتتىك-ينۆەستيتسيالىق جوبالارى شەڭبەرىندە بولىنبەك. باس مەردىگەر – «كاzConstructiوnGroup» جشس.

«قازىر عيماراتتى مونتاجداۋ تولىق اياق­تالدى. جوبانى تۇزەتۋ بويىنشا جۇمىس جۇر­گىزىلدى. عيمارات تەحنيكالىق تۇرعىدان قايتا تەك­­سەرىلىپ، تەلىمنىڭ توپوگرافيالىق ءتۇسىرىلىمى جاسالدى. عيماراتتىڭ ورنالاسۋى جانە ەسكيز­دىك جوبا ورىندالدى»، دەيدى ت.شىنيازوۆ. اۋە­جاي­دىڭ كونە عيماراتى اۋماعى 3850 شارشى مەتر بولسا، قايتا جاڭ­عىر­تۋدان سوڭ ول 7000 شار­شى مەترگە دەيىن كەڭەيمەك. جولاۋشىلار اعى­نى جىلىنا 267 000 ادامعا جەتەدى دەپ جوس­پار­لانعان. قايتا جاڭارتۋ 2022 جىلى اياقتال­ماق.

بۇگىندە ورال قالاسى اۋەجايى ارقىلى حالىقارالىق رەيستەرمەن فرانكفۋرت پەن انتالياعا، ال ەل ىشىندەگى باعىتتارمەن نۇر-سۇلتان، الماتى، اتىراۋ، اقتاۋ جانە شىم­كەنت قالالارىنا ۇشىپ بارۋعا بولادى. بيىلعى 2 ماۋسىمدا ىسكە قوسىلعان «شىمكەنت-ورال-شىمكەنت» باعىتىنا ۇشاقتار سەيسەنبى، جۇما كۇندەرى ۇشادى.

 

باتىس قازاقستان وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار