باتىس قازاقستان وبلىسى ءبورلى اۋدانىنداعى ءبورلى اۋىلى – كەزىندە اۋدان ورتالىعى بولعان, ءىرى اۋىلدىق وكرۋگ. شىلدەنىڭ 25-ءى كۇنى وتەتىن اۋىل اكىمدەرى سايلاۋىنا Nur Otan پارتياسى اتىنان تۇسكەلى وتىرعان ءازىلحاننىڭ نەگىزگى ماماندىعى – اعىلشىن ءتىلى ءپانىنىڭ مۇعالىمى. قوس جوعارى ءبىلىمى بار ۇمىتكەر بۇعان دەيىن بىرنەشە اۋىل اكىمدىگى اپپاراتىندا قىزمەت اتقارعان.
«اۋىل اكىمدەرىن حالىقتىڭ ءوزى تىكەلەي سايلاۋى – وتە ماڭىزدى قادام. بۇل سايلاۋ ناۋقانى كەزىندە ءار ۇمىتكەردىڭ اۋىلدى دامىتۋ جونىندەگى سايلاۋالدى باعدارلاماسى ەڭ باستى قۇجات ەكەنى ءسوزسىز. بىراق سايلاۋدا حالىق سەنىمىنە يە بولعان اكىم بەرگەن ۋادەسىن ۇمىتپاي, سايلاۋشىلاردىڭ تاپسىرماسىن ورىنداۋعا ءتيىس», دەدى جاستار الدىندا ءسوز العان اۆەتيك رۋبەن ۇلى.
دەپۋتاتتىڭ ايتۋىنشا, Nur Otan پارتياسىنان ۇسىنىلعان ۇمىتكەر ءوز باعدارلاماسىن بيلىك پارتياسىنىڭ باعىت-باعدارىمەن ۇندەستىرە جاسايدى. سوندىقتان دا ول ۋادەلەر قۇرعاق ءسوز بولمايدى. ەل پرەزيدەنتى قاسىم-جومارت توقاەۆتىڭ تىكەلەي تاپسىرماسىمەن وتكەلى وتىرعان ساياسي ناۋقان ەلدەگى ساياسي جۇيەنىڭ ءپىسىپ-جەتىلگەنىن عانا كورسەتپەيدى, سونىمەن بىرگە ءبىزدىڭ قوعامنىڭ دەموكراتيالىق دامۋىنا باعىتتالعان ماڭىزدى قادام ەكەنى ءسوزسىز دەيدى دەپۋتات.
پاندەمياعا بايلانىستى ۇگىت-ناسيحات كەزەڭى, نەگىزىنەن, ونلاين فورماتتا ءوتىپ جاتقانىمەن, ءار سايلاۋشى ءوز تاڭداۋىنىڭ ماڭىزدى ەكەنىن تولىق تۇسىنەدى. ويتكەنى اۋىل اكىمىن تىكەلەي سايلاۋ, اۋىل تاعدىرىن قولىنا ۇستايتىن ادامدى تاڭداۋ – تۋعان جەرىڭنىڭ كەلەشەگىنە دەگەن جاۋاپكەرشىلىك تە جۇكتەيتىنى انىق.
«الداعى سايلاۋدا بورلىلىكتەر ەڭ لايىقتى تۇلعانى تاپ باسىپ تاڭداي الادى دەگەن سەنىمدەمىن. ال بۇل سايلاۋدا جەڭىپ شىققان اكىمدى ەڭ جوعارى ماراپات – حالىق سەنىمى كۇتىپ تۇر», دەدى اۆەتيك اميرحانيان.
كەزدەسۋدە ءازىلحان زاريفوۆ تا ءسوز الىپ, ءوزىنىڭ سايلاۋالدى باعدارلاماسىن تانىستىردى. وسىنداي ماڭىزدى ساتتە قولداۋ ءبىلدىرىپ كەلگەن ءماجىلىس دەپۋتاتىنا راحمەت ايتتى.
كەزدەسۋ بارىسىندا ءماجىلىس دەپۋتاتى جاستاردىڭ ءتۇرلى ساۋالدارىنا جاۋاپ بەردى.
باتىس قازاقستان وبلىسى
