ءىس-شاراعا «Birgemiz» رەسپۋبليكالىق ۆولونتەرلەر فرونت-ءوفيسىنىڭ باسشىسى تاتيانا ميرونيۋك, فرونت-ءوفيستىڭ ساراپشىسى ولجاس ءابدۋحاميتوۆ جانە وڭىردەگى ۆولونتەرلىك ۇيىمداردىڭ بەلسەندىلەرى, جاستار رەسۋرستىق ورتالىعىنىڭ باسشىلارى قاتىستى.
كەزدەسۋ بارىسىندا قاتىسۋشىلار ۆولونتەرلىكتىڭ جول كارتاسىن جۇزەگە اسىرۋ, ۆولونتەرلىك قىزمەتتى قولداۋ ستاندارتىن ازىرلەۋ ماسەلەلەرىن تالقىلادى. ەرىكتىلەردىڭ ەرەن ءىسىن دامىتۋدىڭ جاڭا قىرلارى ىزدەستىرىلدى. بۇل تاراپتا كەزدەسۋگە قاتىسۋشىلار وزدەرىنىڭ ويىمەن ءبولىسىپ, پايىمدى پىكىر ءبىلدىردى.
تاتيانا ميرونيۋك اتاپ وتكەندەي, بۇگىندە قازاقستاندا 600-گە جۋىق ۆولونتەرلىك ۇيىم جۇمىس ىستەيدى. جىل سايىن ەلىمىزدە بەلسەندى ازاماتتىق ۇستانىمىن كورسەتۋگە جانە مۇقتاج ادامدارعا كومەكتەسۋگە نيەت بىلدىرگەن ەرىكتىلەر سانى كوبەيىپ كەلەدى. اقمولا وڭىرىندە دە كوروناۆيرۋس حابارى شىققالى ەلگە قايىرىمدىلىق جاساعانى از ەمەس. ونىڭ بارلىعى - قىسىلعان جانعا دەمەۋ بولسا, جاستارعا ومىرشەڭ ونەگە, ادەمى ۇلگى. بۇگىنگى كۇنى مىڭداعان ەرىكتىنىڭ باسىن قۇرايتىن 90 ۇيىم جۇمىس ىستەيدى.
