ماڭعىستاۋ وبلىسى سوڭعى ايدا وزگە ايماقتارمەن سالىستىرعاندا كوروناۆيرۋستىق ينفەكتسيا جۇقتىرعاندار مەن ينفەكتسيالىق توسەك ورىندارىنىڭ تولۋ سىيىمدىلىعى جاعىنان العا شىققان.
«بۇگىندە ماڭعىستاۋ وڭىرىندەگى كەيبىر اۋداندارىنداعى توسەك ورىن قورىنا ۇلكەن سالماق ءتۇسىپ تۇرعاندىعى بايقالادى. اقتاۋ قالاسىنداعى ينفەكتسيالىق توسەك ورىن 64,2%, رەانيماتسيالىق 69% قۇرايدى, جاڭاوزەن قالاسىنداعى ينفەكتسيالىق توسەك ورىن 80%, رەانيماتسيالىق 43,7% قۇرادى جانە تەندەنتسيا ءالى دە وسەتىندىگىن كورسەتىپ وتىر. بۇدان بولەك اقتاۋ قالاسىندا وبلىستىق پەريناتالدىق ورتالىق دەڭگەيىندە رەانيماتسيالىق توسەك ورىندارىنىڭ تاپشىلىعى سەزىلەدى دەگەن بولجام بار. قازىرگى ۋاقىتتا 10 رەانيماتسيالىق توسەك ورىندارىنىڭ 90% تولىق جانە مودۋلدىك ينفەكتسيالىق ستاتسيوناردىڭ 55 توسەك ورىنىنىڭ 69% تولىق», دەدى دەنساۋلىق ساقتاۋ ۆيتسە-ءمينيسترى اجار عينيات.
بيىل شىلدە ايىنىڭ 16 مەن 20 ارالىعىندا دەنساۋلىق ساقتاۋ مينيسترلىگىنىڭ جۇمىس توبىمەن اقتاۋ قالاسىنداعى ەكى ەمحاناعا جانە ءۇش ينفەكتسيالىق ستاتسيونارعا جۇرمەلى مونيتورينگ جۇرگىزىلگەن. 67 امبۋلاتوريالىق كارتا جانە 31 اۋىر حالدە جاتقان 31 مەديتسينالىق كارتاعا تالداۋ جاسالعان. ناتيجەسىندە ەمحانالاردا موبيلدىك بريگادالاردىڭ جەتىسپەۋشىلىگى بايقالىپ وتىر, كوروناۆيرۋستىق حاتتامالاردىڭ كلينيكالىق ساقتالماۋى, امبۋلاتوريالىق دەڭگەيدە يممۋنومودۋلدىك نەگىزسىز تاعايىنداۋ ورىن العان, ۆيرۋسقا قارسى جانە انتيباكتەريالدى پرەپاراتتار, كوروناۆيرۋستىق ينفەكتسيا جۇقتىرعان ناۋقاستاردىڭ جاعدايىن ديناميكالىق باقىلاۋ كەزىندە ۇيىمداستىرۋ جۇمىستارىندا بىرقاتار كەمشىلىكتەر بولدى.
«ماڭعىستاۋ وڭىرىندەگى قازىرگى احۋال دابىل قاعاتىنداي دەڭگەيگە جەتىپ تۇر, سەبەبى الداعى ۋاقىتتا توسەك ورىندارىنىڭ تەز تولىپ قالۋىنان توسەك ورىن قورىنىڭ جەتىسپەۋشىلىگىنە جانە تۇرعىندارعا ستاتسيونارلىق كومەكتىڭ قولجەتىمدىلىگى تومەندەپ كەتۋى ىقتيمال», دەدى الەكسەي تسوي.
بۇل رەتتە جەرگىلىكتى اتقارۋشى ورگاندارعا اتالعان پروبلەمالاردى شۇعىل ارادا شەشۋ جونىندە تاپسىرما بەرىلدى.
