جۇكتىلىككە جانە بوسانۋعا, جاڭا تۋعان بالانى (بالالاردى) اسىراپ الۋعا بايلانىستى تابىستان ايىرىلۋ جاعدايىنا ماسق-تان تولەنەتىن الەۋمەتتىك تولەم الەۋمەتتىك ساقتاندىرۋ جۇيەسىنە قاتىساتىن جۇمىس ىستەيتىن ايەلدەرگە جۇكتىلىك جانە بوسانۋ بويىنشا ۋاقىتشا ەڭبەككە جارامسىزدىق پاراعى نەگىزىندە تاعايىندالادى.
اعىمداعى جىلدىڭ ءى جارتىجىلدىعىندا وسى بىرجولعى تولەمدى 114 633 بولاشاق انا جالپى سوماسى 57,3 ملرد تەڭگەگە الدى. ونىڭ مولشەرى سوڭعى 12 ايداعى ماسق-عا الەۋمەتتىك اۋدارىمدار تولەنگەن تابىستارعا جانە ەڭبەككە جارامسىزدىق پاراعىنا سايكەس ەڭبەككە جارامسىزدىق كۇندەرىنىڭ سانىنا بايلانىستى بولادى. سونداي-اق اعىمداعى جىلدىڭ ءى جارتىجىلدىعىندا ماسق-تان 459 217 الۋشىعا جالپى سوماسى 73,1 ملرد تەڭگەگە 1 جاسقا دەيىنگى بالا كۇتىمىنە بايلانىستى تابىسىنان ايىرىلعان جاعدايدا اي سايىنعى الەۋمەتتىك تولەمدەر جۇزەگە اسىرىلدى. بۇل تولەمنىڭ مولشەرى سوڭعى 2 جىل ىشىندەگى ماسق-قا الەۋمەتتىك اۋدارىمدار تولەنگەن ورتاشا ايلىق تابىستىڭ 40%-ىن قۇرايدى.
زاڭنامادا تولەمنىڭ ەڭ تومەنگى مولشەرى بەلگىلەنگەن – مىندەتتى زەينەتاقى جارنالارىنىڭ وسى سوماسىنا قوسىمشا اۋدارۋمەن 1 جاسقا دەيىنگى بالا كۇتىمى بويىنشا ۇقساس اي سايىنعى مەملەكەتتىك الەۋمەتتىك جاردەماقى دەڭگەيىندە. تولەمنىڭ ەڭ جوعارى مولشەرى – ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەن جالاقىنىڭ جەتى ەسەلەنگەن مولشەرىنىڭ 40%-ىنان اسپايدى, ياعني 2021 جىلى – 119 مىڭ تەڭگە.
جوعارىدا كورسەتىلگەن الەۋمەتتىك تولەمدەردىڭ تاعايىندالعان سومالارىنان مىندەتتى زەينەتاقى جارنالارى ۇستالادى جانە الۋشىنىڭ بىرىڭعاي جيناقتاۋشى زەينەتاقى قورىنداعى شوتىنا اۋدارىلادى. ماسق-تان الەۋمەتتىك تولەمدەردى تاعايىنداۋ تاسىلدەرىنىڭ ءبىرى ازاماتتار مەملەكەتتىك ورگاندارعا جۇگىنبەيتىن پرواكتيۆتى فورمات بولىپ تابىلادى. مۇنداي جاعدايلاردا ايەلدىڭ ۇيالى تەلەفونىنا تولەمدەردى رەسىمدەۋگە قاتىستى sms-حابارلاما كەلەدى, سوعان كەلىسىم بەرۋ قاجەت.
پرواكتيۆتى قىزمەت كورسەتىلەتىن قىزمەتتى الۋشىنىڭ ۇيالى بايلانىسىنىڭ ابونەنتتىك قۇرىلعىسىنىڭ تەلەفون ءنومىرى ەلەكتروندىق ۇكىمەتتىڭ egov.kz پورتالىندا تىركەلگەن, جۇمىس ورنى بويىنشا ەڭبەككە جارامسىزدىق پاراعىن بەرگەن جانە دەكرەتتىك دەمالىستى رەسىمدەۋ تۋرالى اقپاراتتىق جۇيەلەردەن مالىمەتتەر الىنعان, ەڭبەككە جارامسىزدىق پاراعى بەرىلگەن ايدىڭ الدىنداعى ايدا كورسەتىلەتىن قىزمەتتى الۋشىدا الەۋمەتتىك اۋدارىمدار بولعان جانە بانك شوتىنىڭ ءنومىرى كورسەتىلگەن جاعدايدا كورسەتىلەدى.
سونداي-اق بالانىڭ تۋ تۋرالى كۋالىگىن العاننان كەيىن, ەلەكتروندىق تسيفرلىق قولتاڭبا بولعان جاعدايدا 1 جاسقا دەيىنگى بالا كۇتىمى بويىنشا تولەمدى ەلەكتروندىق ۇكىمەت پورتالى ارقىلى رەسىمدەۋگە بولادى. بۇل رەتتە قۇجاتتاردى قاعاز نىسانىندا بەرۋگە ىڭعايلى ادامدار ءۇشىن تۇرعىلىقتى جەرى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەلەرى ارقىلى ءوتىنىش بەرۋدىڭ ءداستۇرلى تاسىلدەرى دە بار. ماسق-تان تولەنەتىن بارلىق تولەمدەر تۋرالى تولىق اقپاراتپەن www.gfss.kz ينتەرنەت-رەسۋرستا تانىسۋعا بولادى.
