القالى جينالىسقا قۇقىق قورعاۋ جانە ارنايى ورگانداردىڭ باسشىلىعى مەن وبلىستىڭ باسقا دا مەملەكەتتىك ورگاندارى قاتىستى.
ونەركاسىپتىك ايماقتا حالىقتىڭ كوپ بولىگى ەڭبەك ەتەتىن ءارتۇرلى باعىتتاعى كوپتەگەن كاسىپورىندار شوعىرلانعان. سوندىقتان ولاردىڭ قاۋىپسىزدىگى جۇمىس بەرۋشىلەر جانە باقىلاۋ ورگاندارىنىڭ ءبىرىنشى كەزەكتەگى باستى مىندەتى بولىپ تابىلادى.
وبلىستىق پروكۋراتۋرا ۇسىنعان ستاتيستيكاعا سايكەس, وندىرىستە جاراقات الۋدىڭ 230-عا جۋىق فاكتىسى, ونىڭ 22% نەمەسە 50-ءى ولىمگە اكەلدى. وسىعان وراي قىلمىستىق ىستەردى تەرگەۋدىڭ پروبلەمالىق ماسەلەلەرى, ۋاكىلەتتى ورگانداردىڭ جۇمىسى تالقىلاندى.
«وندىرىستە جاراقات الۋ فاكتىلەرىن ازايتۋ ماقساتىندا «قاۋىپسىز ەڭبەك» جوباسى ازىرلەندى. ول جوسىقسىز جۇمىس بەرۋشىلەردى زاڭدا بەلگىلەنگەن جاۋاپكەرشىلىككە تارتۋدىڭ بىرىڭعاي پراكتيكاسىن قالىپتاستىرۋعا جانە ەڭبەك جاعدايلارىنىڭ لايىقسىز بولۋىنا توزىمسىزدىك مادەنيەتىن قالىپتاستىرۋعا باعىتتالعان», دەپ مالىمدەلدى وبلىستىق پروكۋراتۋرادا.
سونىمەن قاتار, پوليتسيا ورگاندارىندا قولدانىلىپ جاتقان ىستەردى تەرگەۋ بويىنشا ادىستەمەلىك ۇسىنىستار تانىستىرىلدى. جاراقاتتانۋ دەڭگەيى جوعارى ايماقتاردا ارنايى جەدەل-تەرگەۋ توپتارىن قۇرۋ جوسپارلانۋدا.
