10 قاڭتار، 2014

باياندىلىق باعدارلاماسى

141 رەت كورسەتىلدى

ەل ەكونوميكاسىن ءارتاراپتاندىرۋ – ەلباسى ن.نازارباەۆتىڭ جارلىعىمەن بەكىتىلگەن 2010-2014 جىلدارعا ارنالعان مەملەكەتتىك ۇدەمەلى يندۋستريالىق-يننوۆاتسيالىق دامۋ باع­دارلاماسىنىڭ باستى ماقساتتارىنىڭ ءبىرى. بۇل جونىندە جاڭا جىل قارساڭىنداعى بۇكىلحالىقتىق تىكەلەي تەلەكوپىردە دە تاعى ءبىر قاداپ ايتىلدى.

ەل ەكونوميكاسىن ءارتاراپتاندىرۋ – ەلباسى ن.نازارباەۆتىڭ جارلىعىمەن بەكىتىلگەن 2010-2014 جىلدارعا ارنالعان مەملەكەتتىك ۇدەمەلى يندۋستريالىق-يننوۆاتسيالىق دامۋ باع­دارلاماسىنىڭ باستى ماقساتتارىنىڭ ءبىرى. بۇل جونىندە جاڭا جىل قارساڭىنداعى بۇكىلحالىقتىق تىكەلەي تەلەكوپىردە دە تاعى ءبىر قاداپ ايتىلدى. وسى ورايدا، «التىن ساپا» جۇلدەسىنىڭ يەگەرى رەتىندە ءبىزدىڭ ۇجىمعا ەرەكشە جاۋاپكەرشىلىك جۇكتەلەدى.

ەلەكتروۆوزداردى جوندەۋ مەن ونى جاڭ­عىر­تۋ باعىتىنداعى بىرەگەي كاسىپورىن سانالاتىن زاۋىتىمىز «يندۋستريالاندىرۋ كار­­تاسى» شەڭبەرىندە جۇيەلى جۇمىستار ات­قا­رۋدا. ءبىز باعدارلاما جاريالانعان كۇننەن باستاپ ءتيىمدى يننوۆاتسيالىق ينفراقۇرىلىم قالىپتاستىرۋعا تىرىستىق. ينۆەستيتسيالىق قۇيىلىمدار مەن ءوز كۇش-قارىمىمىزدى سارقا پايدالانا وتىرىپ گالۆانيكالىق، ءتۇستى مەتالل قۇيۋ تسەحتارىن اشىپ، رەزينوتەحنيكالىق جانە پلاستماسسا بۇيىمدارىن دايىندايتىن بولىمشەلەردى كەڭەيتتىك. سونداي-اق، كومپرەسسورلار مەن رەدۋكتورلاردى، روتورلاردى كۇردەلى جوندەۋ ۋچاسكەلەرىن ىسكە قوسىپ، ۇستا-مەحانيكالىق، ەلەكتروماشينا تسەحىنىڭ ەكىنشى كورپۋسىن تولىقتاي جاڭعىرتتىق.

يننوۆاتسيالىق قىزمەتتى بەلسەندى جۇرگىزۋ­دىڭ ارقاسىندا زاۋىتىمىزدا زامانالىق عى­­­لىم مەن تەحنيكا جاڭالىقتارىنا كەڭىنەن ءورىس اشىلدى. مۇنىڭ ءبىر مىسالى رەتىندە ۇزاق جىلدار قولدانىستا بولعان «ۆل-60» ەلەك­تروۆوزدارىن بۇگىنگى كۇن تالابىندا جاڭ­عىرت­قانىمىزدى ايتۋعا بولادى. سونداي-اق، «ۆل-80» سەريالى ەلەكتروۆوزداردىڭ جىلۋ ءجۇ­يەلەرى مەن پنەۆماتيكالىق تەجەگىشتەرىن قۋات­تاندىرۋ ارقىلى جۇك جانە جولاۋشى تا­سى­مالىنداعى لوكوموتيۆتەر سەنىمدىلىكپەن پاي­دالانىلۋدا. سىناقتاردان سۇرىنبەي وتكەن ماشينالارىمىزدىڭ ديزايندىق بەزەندىرىلۋى، باسقارۋعا قولايلىلىعى كوز تارتادى جانە ولار­دىڭ توقتاۋسىز قىزمەتىنە 20 جىلدىق كە­­­­پىل­دىك بەرە الامىز. مۇنىڭ ءوزى بىزدە جا­سال­­­عان ەلەكتروۆوزداردىڭ مۇلدەم جاڭا، ياع­ني، قازاقستاندىق مودەلگە ساي ەكەندىگىن دالەلدەيدى.

2012 جىلى قازاقستاننىڭ قارىشتى تراسسالارىنا جاڭا ماركاداعى سەگىز لوكوموتيۆتى شىعارساق، 2013 جىلى ونىڭ سانى بەس داناعا ارتىپ وتىر. وسى ورايدا، بۇرىن ءماشينيستىڭ باسقارۋ كابيناسى ۋكراينادان تاسىمالدانسا، بىلتىر كونسترۋكتورلىق-تەحنولوگيالىق بيۋرو مەن ەكسپەريمەنتتى تسەح جانە قۇرىلىس توبىنىڭ ماماندارى اتالعان جابدىقتاردى ءوز قولدارىمەن جاساپ شىعارىپ، وندىرىسكە ەنگىزگەنىن ەسكە سالعان ءجون. جالپى، جاڭا باعدارلاما زاۋىت ونەرتاپقىشتارىن جەل­پىنىس­كە تۇسىرگەنىن ايتقىم كەلەدى. ءداستۇرلى باس­تامانىڭ جاندانۋى ناتيجەسىندە ەلەك­تروۆوزدارعا قاجەتتى جابدىقتار مەن تەتىكتەردىڭ 180-نەن استام ءتۇرى وزىمىزدە جاسالۋدا. بۇدان تۇسكەن ەكونوميكالىق تيىمدىلىك 43 ميلليون تەڭگەنى قۇراپ وتىر.

حالىقارالىق ستاندارتتاعى «ISO 9000» ساپا سەرتيفيكاتىمەن جۇمىس ىستەيتىن ۇجىمى­مىز جاڭا جىلدا دا سەرپىندى ىسىمەن تانىلىپ، باسەكەلەستىككە قابىلەتتىلىگىن ارتتىرا بەرمەك. «قازاقستان-2050» ستراتەگياسىنىڭ باستى تالابى دا وسى.

نۇرماحان پۋلاتوۆ،

اتباسار ەلەكتروۆوز جوندەۋ

زاۋىتىنىڭ ديرەكتورى.

اقمولا وبلىسى.          

سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار