ايماقتار • 20 شىلدە، 2021

جۇرت بولىپ جۇمىلساق، جۇت قاشادى

32 رەت كورسەتىلدى

باتىسقازاقستاندىق ازاماتتار، شارۋا قوجالىقتارى بيىلعى قۋاڭشىلىقتان قيىن جاعدايعا ۇشىراعان ماڭعىستاۋلىق ارىپتەستەرىنە كومەك قولىن سوزۋدا. 18 شىلدە كۇنى تاي-تاي ءشوپ تيەگەن العاشقى كولىك تۇپقاراعان اۋدانىنا اتتاندى.

وسىدان ءبىر اپتا بۇرىن باتىس قازاقستان وبلىسىنىڭ ءبورلى اۋدا­نىنداعى «امانات» شارۋا قوجا­لىعىنىڭ جەتەكشىسى باقىت دالا­باەۆ اقجايىقتىق شارۋالارعا ۇن­دەۋ تاستاپ، كومەك قولىن سوزۋعا شا­قىرعان بولاتىن.

«ەردىڭ باسىنا دا، ەلدىڭ باسىنا دا نە كەلىپ، نە كەتپەيدى. ىندەت جاعادان الىپ بۋىندىرىپ جات­قاندا، ەلىمىزدىڭ كەي وڭىرىندە مالعا ءشوپ تاپپاي، اق-ادال ت ۇلىگى ءولىپ جا­تىر. جەيتىن ءشوپ جوقتىعىنان كارتون شايناپ، پاكەت جەگەن مالدى كورگەندە قاتتى قينالدىق. قا­زاق حالقى قيىندىقتا ءبىر-ءبىرىن جى­لۋسىز قالدىرمايدى. وعان تاريح كۋا. سوندىقتان بيىل مال ازى­عى­نان تارىلعان ايماقتارعا ءشوپ جەت­­كىزەمىز دەپ ۇندەۋ تاستاپ، ءبىراز شا­رۋانىڭ باسىن قايىردىق» دەيدى ب.دالاباەۆ.

بۇل باستامانى الدىمەن ءبور­لى اۋدانى فەرمەرلەرى قىزۋ قول­داپ اكەتتى. ءۇش كۇن ىشىندە قايى­رىمدىلىق مارافونىنا بورلىلىك 18 شارۋا قوجالىعى قوسىلدى. بايتەرەك پەن شىڭعىرلاۋ اۋداندارىنان 3 فەرمەردەن، تاسقالا مەن تەرەكتىدەن 1 فەرمەردەن بەلسەنىپ شىقتى. قازتالوۆ پەن جانىبەك اۋدا­نى شارۋا قوجالىقتارى ءشوپ دا­يىنداپ بەرۋگە ۋادە بەرىپ وتىر. از كۇندە قارجىلاي 171 مىڭ تەڭگە جي­نالعان. بۇعان قوسا «باۋىرلار نارم» شارۋا قوجالىعىنىڭ جە­تەك­شىسى نۇرلىباي جولدىباەۆ ور­تاق قورعا 100 مىڭ تەڭگە قوسىپ، مارت­تىك تانىتتى. وڭىردەگى «ازىق­تۇ­لىك­­كورپوراتسيا» ۇيىمى دا ءوز قو­رىنان ماڭعىستاۋعا 600 توننادان اسا ارپا ءدانىن بولۋگە شەشىم قا­بىلداعان.

ماڭعىستاۋ مالىنا جايىق بو­يىنىڭ كوك شالعىنىن تيەگەن العاشقى كولىك 18 شىلدە كۇنى ءبور­لى اۋدانى سۇلۋساي اۋلىنان اتتاندى. اۋىلداعى «راۋان» جشس باس ديرەكتورى ءشامىل مۇ­رات­باي ۇلى باستاعان شارۋالار 200 دانا تايلانعان ءشوپ جيناپ، تەڭىز بويىنداعى اعايىنعا حابار بەرگەن ەكەن. ماڭعىستاۋ وبلىسى تۇپقاراعان اۋدانىنداعى «ازامات» شارۋا قوجالىعىنان ەلجاس قوجابەكوۆ ءوز كولىگىمەن ارنايى كەلىپ، العاشقى 35 تاي ءشوپتى ارتىپ الىپ كەتتى.

«ەلدىڭ ەلدىگى وسىنداي قيىن ساتتە بىلىنەدى عوي. ماڭعىستاۋلىق باۋىرلارعا كومەك قولىن سوزۋعا ءازىرمىز. اۋىلداعى «راۋان» جشس جەتەكشىسى ءشامىل مۇراتباي ۇلى، «ەڭبەك» شق باسشىسى سامات ءىزتاي ۇلى، «بىرلىك» شق جەتەكشىسى اسانوۆ عيباتوللا، اۋىل ازاماتى ءىلياس دۇيسەنباەۆ دەگەن جىگىت­تەردىڭ ارقاسىندا وسىنداي قا­يىرىمدىلىق كەرۋەنى ماڭعىس­تاۋعا اتتانعالى وتىر. بۇل كومەك ءالى جالعاسادى» دەيدى سۇلۋساي اۋىل­دىق وكرۋگىنىڭ اكىمى نۇرلان تالاپ­تان ۇلى.

 

باتىس قازاقستان وبلىسى

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار