الماتىدا «دەلتا» ءۇندى شتامىنىڭ كەسىرىنەن كوروناۆيرۋس ينفەكتسياسىن جۇقتىرعاندار سانى ءوسىپ جاتىر. الماتى «قىزىل ايماقتا». مەگاپوليستە قالا تۇرعىندارىنىڭ دەنساۋلىعىن ساقتاۋ ماقساتىندا ادامداردىڭ كوپ جينالۋىن جانە قايتا جۇقتىرۋدى بولدىرماۋ ءۇشىن شەكتەۋ شارالارى كۇشەيتىلدى. مونيتورينگ توپتار ءوز كەزەگىندە شەكتەۋلەردىڭ ساقتالۋىن باقىلايتىن بولادى.
ىندەتتىڭ الدىن الۋ تەتىگىن جەتىلدىرۋ اياسىندا كوروناۆيرۋس ينفەكتسياسىنىڭ تارالۋىن بولدىرماۋ جونىندەگى قالالىق شتاب قالالىق پروكۋراتۋرامەن جانە «اتامەكەننىڭ» وڭىرلىك پالاتاسىمەن بىرگە مونيتورينگ توپتارىنىڭ جۇمىسىن تسيفرلىق فورماتقا كوشىرۋ تۋرالى شەشىم قابىلدادى.
الماتىدا مونيتورينگ توپتارىنىڭ جۇمىسىن تسيفرلاندىرۋ جۇمىس قورىتىندىسى تۋرالى مالىمەتتەردى وڭدەۋ مەن تىركەۋ ساپاسىن جاقسارتادى. ماسەلەن, الماتى قالاسى بويىنشا مونيتورينگ توپتارىن باقىلاۋ ءمودۋلى مونيتورينگ توپتارىنىڭ جۇمىسىن ناقتى ۋاقىت رەجيمىندە باقىلاۋعا جانە وزەكتى تالداۋلاردى ەنگىزۋگە مۇمكىندىك بەرەدى. ناتيجەسىندە, تەكسەرۋشىلەردىڭ قاي نىساندارعا ءجيى باراتىنى, رەيدتىك باعىتتار رەجيمىنىڭ ساقتالۋى جانە ت.ب. تۋرالى اقپارات قولجەتىمدى بولادى. سونىمەن قاتار, مەگاپوليس پروكۋراتۋراسىندا اتاپ وتكەندەي, مونيتورينگ توپتارىنىڭ جۇمىسى تەك وسى ءمودۋلدى قولدانعان كەزدە عانا زاڭدى بولادى.
ەندى مونيتورينگ توپتارىنىڭ كاسىپكەرلەرگە كەلۋى دەرەۋ جازىلادى, بازانىڭ ءوزى ەلەكتروندى جازبالاردى جۇرگىزەدى. پلاتفورما مونيتورينگ نىسانىنىڭ مەكەنجايىن جايىن اۆتوماتتى تۇردە انىقتايدى. كاسىپكەردىڭ قاتىسۋىمەن بارلىق يدەنتيفيكاتسيالانعان ءتارتىپ بۇزۋشىلىعى, قابىلدانعان شارالار كورسەتىلىمى جازىلعان شابلون تولتىرىلادى.
ەسكە سالساق, مونيتورينگ توپتارى بيزنەس سۋبەكتىلەرىن بەس تالاپ بويىنشا تەكسەرەدى:
- جۇمىس رەجيمىن ساقتاۋ;
- كوپتەگەن ادامدارمەن ءىس-شارالار وتكىزۋ;
- الەۋمەتتىك اراقاشىقتىقتى ساقتاۋ;
- بەتپەردە رەجيمىن ساقتاۋ;
- كەلۋشىلەر سانىنىڭ ءليميتىن ساقتاۋ.
مونيتورينگتىك توپتاردىڭ زاڭسىز ارەكەتتەرى مەن شەشىمدەرىنىڭ بارلىق فاكتىلەرى بويىنشا كاسىپكەرلەر پروكۋراتۋراعا 8-701-775-55-00 ءنومىرى ارقىلى حابارلاسا الادى.
الماتىدا 40 مونيتورينگ توپتارى قارقىندى جۇمىس جاساۋدا. ماسەلەن, جىل باسىنان بەرى 3195 تەكسەرۋ جۇرگىزىلدى, 30 279 نىسان قامتىلدى, كارانتين شارالارىن بۇزعان 2682 نىسان انىقتالدى. جەكە جانە زاڭدى تۇلعالارعا جالپى سوماسى 350 ملن تەڭگەدەن اساتىن 4730 حاتتاما تولتىرىلدى. سوتتارعا 75 ماتەريال جىبەرىلدى (462-باپ, 3-ءبولىم جانە 425-باپ, 1-ءبولىم بويىنشا), ونىڭ ىشىندە 64 ماتەريال بويىنشا شەشىمدەر قابىلداندى. وتكەن اپتادا 12-17 شىلدە ارالىعىندا 829 نىساننىڭ كارانتين شارالارىن ساقتاۋى تەكسەرىلدى, 78 نىساننىڭ بۇزۋشىلىعى انىقتالدى. دەمالىس كۇندەرى, 16-18 شىلدە ارالىعىندا الماتى قالاسى بويىنشا 27 زاڭدى تۇلعانىڭ زاڭ بۇزعانى بەلگىلى بولدى.
