وبلىستىق توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى باقىت ابلانوۆتىڭ مالىمەتىنە سۇيەنسەك, 18 شىلدەدە تاعى ەكى ادامنىڭ جايىق وزەنىنە باتقانى انىقتالعان.
«جايىق وزەنىنىڭ گەولوگ ەلدى مەكەنى تۇسىندا 38 جاستاعى ەر ادام سۋعا باتىپ كەتتى. سونداي-اق ماحامبەت اۋدانىنىڭ تالدىكول اۋىلىندا وزبەكستان رەسپۋبليكاسىنىڭ 48 جاستاعى ازاماتى بالىقشىلاردىڭ جايىق وزەنىنە قۇرعان تورىنا وراتىلىپ قالعان», دەيدى باقىت ابلانوۆ.
ونىڭ ايتۋىنشا, جىل باسىنان بەرى سۋعا كەتكەن ادامداردىڭ سانى 19-عا جەتكەن. سۋعا باتقانداردىڭ اراسىندا 6 بالا بار. ال, 3 ادام قۇتقارىلعان.
