«اتىراۋ وبلىسىندا كارانتيندىك شەكتەۋدىڭ كۇشەيتىلۋىنە بايلانىستى مونيتورينگتىك توپتاردىڭ جۇمىسى شيراتىلدى. توپ مۇشەلەرى قالادا ءبىر كۇندە كارانتيندىك شەكتەۋ تالاپتارىن بۇزعان 9 كاسىپكەرلىك نىساندى انىقتادى», دەيدى پوليتسيا پولكوۆنيگى قامزا ۇمبەتقاليەۆ.
ونىڭ ايتۋىنشا, كەشە, 17 شىلدەدە ساعات 13:36 شاماسىندا مونيتورينگتىك توپ بەيبارىس كوشەسىندە ورنالاسقان «Continental Gold» مەيرامحاناسىندا توي ءوتىپ جاتقانىن انىقتاعان. بۇل مەيرامحاناداعى تويعا 50-دەن استام ادام قاتىسقان.
سونداي-اق سول كۇنى ساعات 15:55 شاماسىندا اتىراۋ مولتەك اۋدانىنداعى «اكۆاراي» اكۆاپاركى كارانتين تالاپتارىن بۇزىپ, جۇمىس ىستەگەن. «Zheka’s doner house» كافەسى ساعات 22:15 شاماسىندا كەلۋشىلەردى قابىلداعان. الايدا, بۇل نىساننىڭ يەسى تۇسىنىك بەرۋدەن باس تارتقان.
