– قالالىق سەبد-ءنىڭ ماماندارى الداعى 3 ايعا, ياعني 30 قىركۇيەككە دەيىن سانيتارلىق-ەپيدەميولوگيالىق احۋالدىڭ دامۋىنا بولجام جاسادى. بازالىق بولجام بويىنشا دەرتتىڭ شارىقتاۋ شەگى 3-4 تامىزعا تۋرا كەلەدى, ءارى تاۋلىگىنە 1600-گە جۋىق جاڭا جاعداي تىركەلۋى مۇمكىن. پەسسيميستىك بولجام بويىنشا دەرتتىڭ شارىقتاۋ شەگى 10-11 تامىزعا تۋرا كەلەدى, تاۋلىگىنە 1900 جاڭا جاعداي تىركەلۋى مۇمكىن.
بازالىق بولجامعا سايكەس 5-5,5 مىڭ توسەك ورىن پايدالانىلادى, ال پەسسيميستىك بولجامنىڭ شارىقتاۋ شەگى بويىنشا 6-6,5 مىڭ توسەك ورىنعا ارتۋى مۇمكىن.
دەمەك, بازالىق ستسەناري بويىنشا شىلدەدە 27,5 مىڭ, تامىزدا – 34,5 مىڭ, قىركۇيەكتە – 4,5 مىڭ كۆي جاعدايى, ال پەسسيميستىك بولجامعا سايكەس شىلدەدە 29 مىڭ, تامىزدا – 49,5 مىڭ, قىركۇيەكتە – 13,5 مىڭ جاعداي. كۆي جاعدايى تىركەلۋى مۇمكىن, – دەيدى ماماندار.
ءوز كەزەگىندە مەكتەپ وقۋشىلارىنىڭ وففلاين وقۋىن قامتاماسىز ەتۋ ءۇشىن مونيتورينگ جۇمىستارى جۇرگىزىلۋدە جانە مۇعالىمدەر ۆاكتسينالانۋدا. بۇگىندە مۇعالىمدەردىڭ 97%-ى I كومپونەنتپەن, 67,9%-ى II كومپونەنتپەن ۆاكتسينالاندى. بۇدان وزگە, مەديتسينالىق قىزمەتكەرلەردىڭ 97,3%-ى I كومپونەنتپەن, 67,3%-ى II كومپونەنتپەن ۆاكتسينالاندى.
سوڭعى 2 اپتاداعى جاس قۇرامىن تالداۋ بالالار مەن جاسوسپىرىمدەردە ۆيرۋستىڭ دەلتا نۇسقاسىنىڭ تەز جۇعاتىنىن كورسەتتى. 14 جاسقا دەيىنگى بالالاردىڭ ۇلەس سالماعى 1%-عا ءوستى. 20 جاستان 40 جاسقا دەيىنگى ازاماتتاردىڭ دەرت جۇقتىرۋى تومەندەدى. 40-59 جاستاعى ناۋقاستاردىڭ ۇلەس سالماعى جوعارى – 25%. ال, 60 جاستاعى ادامدار اراسىندا جۇقتىرعانداردىڭ ۇلەسى 1,1%-عا وسكەن.
جۇمىسپەن قامتۋ بويىنشا سوڭعى 14 كۇندە كۆي ءوزىن-ءوزى جۇمىسپەن قامتىعاندار اراسىندا جوعارى – 41%, ءتۇرلى جشس, جك, اق جۇمىسشىلارى اراسىندا – 17%, زەينەتكەرلەر اراسىندا – 16,4%, مەكتەپ وقۋشىلارى اراسىندا – 9,2%, مەكتەپ جاسىنا دەيىنگى بالالار اراسىندا 6,4%, جالپى اۋىرعاندار سانىنىڭ 90%-ى.
الماتى
