«وندا كوروناۆيرۋسقا قاتىستى قىزمەتتەر ۇسىنىلادى. سونىمەن قاتار كومپانيا سايتقا ادام تارتۋ ءۇشىن جاسالاتىن 1 ميلليوننان استام فيشينگتىڭ الدىن الدى. الاياقتاردىڭ ىشىندە ۆاكتسيناتسيا كەزىندە بەرىلەتىن تولەم, جەڭىلدىكپەن پتر-تەست تاپسىرۋ سىندى قىزمەتتى ۇسىنۋشىلار كوپ. جاقىندا كوپشىلىك جۇرەتىن عيماراتتارعا ەش كەدەرگىسىز كىرۋ ءۇشىن جالعان QR-كودتىڭ جارناماسى تانىمال بولا باستادى», دەپ جازىلعان كومپانيا حابارلاماسىندا.
ساراپشىلاردىڭ ايتۋىنشا, كوروناۆيرۋسقا بايلانىستى وسىنداي الاياقتىق ارەكەتتەر ناۋرىز ايىندا كوپ تىركەلگەن. كەيىن سانى ازايعانى بايقالعان.
«ماۋسىم ايىندا قايتا جانداندى. وسى ايدا كومپانيا الدىڭعى ايعا قاراعاندا 14%-عا كوپ فيشينگتىك رەسۋرستاردى انىقتاپ, بۇعاتتادى. الاياقتاردىڭ ماقساتى - پايدالانۋشى تۋرالى مالىمەت الۋ. ولار بۇل ءۇشىن فيشينگ ءادىسىن ءجيى قولدانادى, ياعني ادامدارعا ءتۇرلى سىلتەمە جىبەرىپ, جەكە اقپارات پەن بانك كارتوچكالارىنىڭ دەرەكتەرىن جازۋدى سۇرايدى. مۇنداي اقپاراتتى ەسەپشوتتاردان اقشا ۇرلاۋ ءۇشىن قولدانا الادى.ء بىزدىڭ زەرتتەۋىمىز بويىنشا, قازاقستاندىقتار ينتەرنەتتەگى الاياقتاردان ايتارلىقتاي زارداپ شەگەدى. الاياقتار دا ادام تارتۋ ءۇشىن قازىرگى كەزدەگى ەڭ اۋىر تاقىرىپتى, كوروناۆيرۋستى, پايدالانىپ جاتىر», دەيدى «كاسپەرسكي زەرتحاناسىنىڭ» ورتالىق ازياداعى كوممەرتسيالىق ديرەكتورى ۆالەري زۋبانوۆ.
