قالانىڭ جاڭا اكىمىن ايماق باسشىسى ابىلقايىر سقاقوۆ تانىستىردى. سوڭعى ءبىر جارىم جىلعا جۋىق اساين بايحانوۆ پاۆلودار وبلىسى اكىمىنىڭ ورىنباسارى لاۋازىمىندا قىزمەت اتقاردى, دەپ حابارلادى اكىمدىكتىڭ ءباسپاسوز قىزمەتى Telegram پاراقشاسىندا.
پاۆلوداردىڭ جاڭا اكىمىنىڭ كانديداتۋراسى قر پرەزيدەنتى اكىمشىلىگىندە كەلىسىلىپ, قالالىق ءماسليحات دەپۋتاتتارىمەن ماقۇلداندى. ابىلقايىر سقاقوۆ جاڭا قالا باسشىسى الدىندا بىردەن جۇمىستىڭ نەگىزگى باسىمدىقتارىن بەلگىلەدى. ول بيۋدجەتتى جانە مەملەكەتتىك ساتىپ الۋدى ءتيىمسىز جوسپارلاۋدان قالالىق اكىمدىكتە گنۋسپەن كۇرەسكە كونكۋرس وتكىزىلگەنىن جانە جولداردى جوندەۋ مەن اباتتاندىرۋ مەرزىمدەرى بويىنشا ەلەۋلى ولقىلىقتار بار ەكەنىن اتاپ ءوتتى.
ءوڭىر باسشىسى مەردىگەرلىك جۇمىستاردىڭ ساپاسى بويىنشا دا باقىلاۋدى كۇشەيتۋدى تالاپ ەتتى.
«قالا اكىمدىگى قالالىق ماسەلەلەر تۋرالى بىلەتىن جانە ولاردى تەز, ۇتقىر, ءتيىمدى شەشەتىن ورىن بولۋى ءتيىس. وسى ماسەلەلەردى جەكە, تۇراقتى باقىلاۋعا الۋدى تاپسىرامىن: ماسەلەلەردى ۋاقتىلى انىقتاۋ, ولارعا پرواكتيۆتى تۇردە دەن قويۋ, مەردىگەرلەردىڭ جۇمىسىنا جاپپاي باقىلاۋ جاساۋ, مەملەكەتتىك ساتىپ الۋلار جۇرگىزۋدى ءتيىمدى جوسپارلاۋ. سونىمەن قاتار جىلىتۋ ماۋسىمىنا دايىندىق ماسەلەسى دە باسىم بولۋى ءتيىس», دەدى وبلىس اكىمى ابىلقايىر سقاقوۆ.
