فرانتسيا سوتى مۇحتار ءابىلازوۆتى ەكستراداتسيالاۋ جونىندە شەشىم قابىلدادى. بۇل تۋرالى Ras.kz حابارلادى.
اتاپ وتىلگەندەي, رەسەي مەن ۋكراينادان مۇحتار ءابىلازوۆتى ەكستراداتسيالاۋ جونىندە سۇرانىس سوتتىڭ قاۋلىسىمەن قاناعاتتاندىرىلدى. سوت مۇندا باسىمدىلىقتى رەسەيگە بەرىپ وتىر.
ەكس-بانكيردى ەكستراداتسيالاۋعا قازاقستان دا ءبىراز ارەكەت جاساپ باققان ەدى. الايدا, فرانتسيا مەن قازاقستان اراسىندا ەكستراديتسيا جونىندە كەلىسىمنىڭ بولماۋىنا بايلانىستى بۇل سۇرانىس قاناعاتتاندىرىلماعان كورىنەدى.
قازىر مۇحتار ءابىلازوۆتىڭ ادۆوكاتتارى ءوز قورعاۋلارىنداعى تۇلعانىڭ ەكستراداتسيالانۋى جونىندەگى شەشىمدى جوعارىدا تۇرعان ينستانتسيا ارقىلى قايتارتىپ الۋعا نيەتتى ەكەندىكتەرىن ءبىلدىردى.
ايدار ورىسباەۆ.
دەرەككوز: Ras.kz
فوتو: Kapital.kz
