وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ ايتۋىنشا, يساتاي اۋدانىنىڭ اۋماعىندا نارىن كانالىنىڭ اقباس (قىزتۋعان) ۋچاسكەسىنىڭ تۇسىندا ۇساق بالىقتىڭ قىرىلعانى انىقتالعان. سول جەردەن 197 كەلى ءولى بالىق جينالعان.
«نارىن كانالىنىڭ جانباي اۋىلدىق وكرۋگىنەن اقباس ۋچاسكەسىنە دەيىنگى بولىگىندە سۋ دەڭگەيى تىم تومەندەپ كەتتى. بالىقتىڭ قىرىلۋىنا وتتەگىنىڭ جەتىسپەۋى سەبەپ بولعان. بۇل كانال كوپتەن بەرى جوندەلمەي, ارناسى ەسكىرىپ, سۋ وتكىزۋ مۇمكىندىگى تومەندەگەن. سونداي-اق, «اقتوبە-اتىراۋ-رەسەي فەدەواتسياسىنىڭ شەكاراسى» باعىتىنداعى تاسجولعا كۇردەلى جوندەۋ جۇمىستارىن جۇرگىزىپ جاتقان مەكەمەلەر اينالما جولدارعا شاشاتىن سۋدى وسى كانالدان الادى», دەيدى ارتۋر سادىبەك ۇلى.
