وبلىستىق دەنساۋلىق ساقتاۋ باسقارماسىنىڭ اقپاراتىنا قاراعاندا, ينفەكتسيالىق ستاتسيونارلاردا – 1 013, ال ۇيىندە 1 894 پاتسيەنت ەمدەلىپ جاتىر.
بەلگىلى بولعانداي, سوڭعى ەكى كۇندە كوروناۆيرۋس ينفەكتسياسىنا شالدىعۋشىلار كوبەيگەن. ماسەلەن, 16 شىلدەدە – 342, 17 شىلدەدە 277 ادام قاۋىپتى ۆيرۋس جۇقتىرعان. سوڭعى ەكى كۇندە اتىراۋ قالاسىندا كوروناۆيرۋس ينفەكتسياسىن جۇقتىرۋدىڭ 469 دەرەگى تىركەلىپ وتىر. سونداي-اق, تەڭىز كەنىشىندە – 28, جىلىوي اۋدانىندا – 27, يندەردە – 22, قىزىلقوعادا – 18, يساتايدا – 17, ماحامبەتتە – 17, قۇرمانعازىدا – 10, ماقات اۋدانىندا 16 ادامنان قاۋىپتى ۆيرۋستىڭ بەلگىسى انىقتالعان.
«قازىر وڭىردەگى ينفەكتسيالىق ستاتسيونارلاردا 1 013 ناۋقاس ەمدەلىپ جاتىر. ونىڭ ىشىندە اۋداندارداعى ينفەكتسيالىق ستاتسيونارلاردا – 240, مودۋلدىك اۋرۋحانادا – 203, №2 وبلىستىق اۋرۋحانادا – 199, كارديولوگيلىق ورتالىقتا – 110, تەمىرجول اۋرۋحاناسىندا 95 پاتسيەنت ەمدەلۋدە. جىلىوي اۋدانىندا ورنالاسقان تەڭىز كەنىشىندەگى ستاتسيوناردا – 95, ال فتيزيوپۋلمانولوگيالىق ورتالىقتا 95 ناۋقاس ەم قابىلداۋدا», دەپ حابارلادى باسقارمانىڭ ءباسپاسوز قىزمەتى.
