تالاپقا ساي دەلەگاتسيانىڭ 128 مۇشەسى كوروناۆيرۋستى ينفەكتسياعا بايلانىستى پتر تەست تاپتسىردى. بارلىق قازاقستاندىقتار تاپسىرعان تەست تەرىس ناتيجە بەردى.
كوماندانىڭ اۋەجايداعى بارلىق پروتسەدۋراسى 4 ساعاتقا جۋىق ۋاقىتقا سوزىلدى.
«ۇيىمداستىرۋشىلاردىڭ تالابى بويىنشا بارلىق رەگلامەنتتى ساقتادىق. ەرەجە بويىنشا سوڭعى ءتورت ساعاتتا سپورتشىلار كوروناۆيرۋستى ينفەكتسياعا قاتىستى بەس تەست تاپسىردى. قازىرگى تاڭدا ولار وليمپيادالىق اۋىلعا جايعاسىپ, تىنىعۋدا. جاقىن ۋاقىتتا كەستەگە سايكەس جاتتىعۋدى باستايدى», دەپ حابارلادى وليمپياداداعى قازاقستان ميسسياسىنىڭ باسشىسى ەلسيار قاناعاتوۆ.
17 شىلدە كۇنى توكيوداعى كۇن رايى اشىق, اۋا تەمپەراتۋراسى 32 گرادۋسقا دەيىن كوتەرىلگەن. ىلعالدىلىق 52 پايىزدى كورسەتۋدە. 18 شىلدەدەن باستاپ سپورتشىلار جاتتىعۋعا كىرىسىپ, دارىگەرلەردىڭ باقىلاۋىمەن ىستىق ءارى ىلعالدى كليماتقا بەيىمدەلەتىن بولادى.
18 شىلدە كۇنى وليمپيادالىق اۋىلعا سپورتتىق گيمناستيكا مەن اكادەميالىق ەسۋدەن كوماندا وكىلدەرى جايعاسادى.
23 شىلدە كۇنى وليمپيادا ويىندارىندا العاش بولىپ ءتورت قازاقستاندىق سپورتشى باق سىنايدى. ساداق اتۋدان ىرىكتەۋ كەزەڭىندە سانجار مۇساەۆ, يلفات ابدۋللين, دەنيس گانكين سىنعا تۇسسە, اكادەميالىق ەسۋدەن ۆلاديسلاۆ ياكوۆلەۆ جارىستى باستايدى.
