ايماقتار • 17 شىلدە، 2021

ارالداعى شارۋالارعا 200 ملن تەڭگەدەن استام قاراجات بولىنەدى

81 رەت كورسەتىلدى

بولات وتەمۇراتوۆ قورى ارال اۋدانىنداعى قۇرعاقشىلىقتان زارداپ شەككەندەرگە 200 ميلليون تەڭگەدەن استام قاراجات جىبەرەدى، دەپ جازادى Egemen.kz قوردىڭ ءباسپاسوز قىزمەتىنە سىلتەمە جاساپ.

قاراجات «ارالىم - ايدىن شالقارىم» قوعامدىق قورىنا اۋدارىلادى. وعان ارال اۋدانىنىڭ سەگىز ءجۇز از قامتىلعان وتباسىنا 900 توننا قۇراما جەم الىنادى.  بۇل جەم-ءشوپ 2021 جىلدىڭ قاراشاسىنان 2022 جىلدىڭ مامىرىنا دەيىن جەتۋى كەرەك.

مال باسىن ساقتاپ قالۋ جانە جايىلىمداردى سۋلاندىرۋ ءۇشىن اۋماقتا جاڭا سۋ ۇڭعىمالارى قاجەت. سونىمەن قاتار ارىقتاردى تازارتۋ جانە سۋاعار قۇرىلىستارىن جوندەۋ تالاپ ەتىلەدى. وسى شارالار شەڭبەرىندە امانوتكەل ەلدى مەكەنى اۋماعىنداعى سىرداريا وزەنىندە «اسپاي» سۋتىرەگى قالپىنا كەلتىرىلەدى. ول سۋ دەڭگەيىن كوتەرۋگە جانە قامىستىباس پەن اقشاتاۋ كول جۇيەلەرىن تولتىرۋعا مۇمكىندىك بەرەدى. قازىرگى ۋاقىتتا اۋىز سۋ تاپشىلىعى بايقالىپ وتىرعان بەل اران اۋىلدى ايماعىندا دا ۇڭعىما بۇرعىلايدى.  

سونىمەن قاتار، اۋىلدىق تۇتىنۋ كووپەراتيۆتەرىنىڭ مال ازىعىن جيناۋعا تراكتور، ءشوپ شاباتىن ماشينا، سوقا، پرەسس-جيناعىشتار ساتىپ الىنادى.  

الىس مال جايىلىمدارىن سۋمەن قامتاماسىز ەتۋ ءۇشىن سۋ تاسۋشىلار، جايىلىم مەن شابىندىقتاردى سۋارۋ ءۇشىن ديزەلدىك سورعىلار الىنادى. 

قاراجاتتىڭ جۇمسالۋى مەن جەم-ءشوپتىڭ تاراتىلۋىن قوعام وكىلدەرىنەن قۇرىلعان ارنايى كوميسسيا باقىلايدى. 

ايتا كەتەيىك، قازىرگى ۋاقىتتا ارال اۋداندا 500-دەن استام مال باسىنىڭ ءولىمى تىركەلگەن. اۋداندا توتەنشە جاعداي جاريالاندى.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار