ۇتىس تىكەلەي ەفيردە 17 شىلدە كۇنى ساعات 17:00-دە نۇر-سۇلتان قالاسى اكىمدىگىنىڭ الەۋمەتتىك جەلىلەرىندە (Facebook, YouTube) وتەدى.
ەستەرىڭىزگە سالا كەتەيىك, iPhone12 جانە باسقا دا قۇندى سىيلىقتاردىڭ العاشقى ۇتىس ويىنى 9 شىلدەدە ءوتتى. سول كەزدە اۆتوماتتى ۇتىس ويىنىنا ۆاكتسيناتسيا باستالعان ساتتەن باستاپ قالادا 6 شىلدەگە دەيىن ۆاكتسيناتسيالانعاندار قاتىسقان.
Birge پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان, ول ۆاكتسيناتسيالانعاندار اراسىندا ID بويىنشا جۇلدە يەگەرلەرىن گەنەراتسيا ارقىلى تاڭدايدى. ونى ازىرلەۋگە IT-قاۋىمداستىق تا قاتىستى.
ۆاكتسيناتسيالانعاندار جۇيەسى قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن. ۇتىس ويىنىنا قاتىسۋ اۆتوماتتى تۇردە وتەدى, ياعني ەكپە العاندارعا قۇجات تولتىرۋدىڭ قاجەتى جوق.
ەلوردا اكىمدىگى وسىنداي ۇتىس ويىندارىن اپتا سايىن جازدىڭ سوڭىنا دەيىن وتكىزەدى.
ايتا كەتەيىك, ەلوردادا ەكپە العاندار اراسىندا ەكى بولمەلى پاتەر دە ويناتىلادى. وعان وسى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان قالا تۇرعىندارى قاتىسا الادى.
سونداي-اق «MEGA Silk Way» سوو ۆاكتسيناتسيا پۋنكتىندە ءبىرىنشى كومپونەنتپەن ۆاكتسينالانعاندار اراسىندا اۆتوكولىكتىڭ ۇتىس ويىنى جاريالاندى.
«اتالعان ۇتىس ويىندارى ازاماتتاردى ەكپە الۋعا ىنتالاندىرۋ, وسىلايشا ءوز دەنساۋلىعىن دا, جاقىن جانە اينالاسىنداعى ادامداردىڭ دەنساۋلىعىن ساقتاۋ ءۇشىن ۇيىمداستىرىلادى.سەبەبى, باستى ماقسات — ۇجىمدىق يممۋنيتەتتى دامىتۋ جانە كارانتينگە دەيىنگى بۇرىنعى رەجيمگە ورالۋ. ۇجىمدىق يممۋنيتەتتىڭ ۇلەسى 60%-دان اسۋى كەرەك», دەپ جازادى قالا اكىمدىگىنىڭ سايتى.
