ەلوردا • 16 شىلدە، 2021

بيىل نۇر-سۇلتاندا قاي ەلدى مەكەندەر گازداندىرىلادى؟

24 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا ەلوردانىڭ ەلدى مەكەندەرىن گازداندىرۋ بارىسى تۋرالى ايتتى، دەپ جازادى Egemen.kz

«كۇزدە تاعى جەتى ەلدى مەكەندى گازبەن قامتاماسىز ەتەمىز. وڭتۇستىك-شىعىس (يۋگو-ۆوستوك) ەلدى مەكەنى تولىقتاي گازبەن قامتىلادى. ءبىز سىرتقى جەلىلەردى جۇرگىزگەننەن كەيىن تۇرعىندار ءۇيدىڭ ىشىنە جۇرگىزىپ، قاجەتتى جابدىقتاردى ساتىپ الۋى كەرەك جانە ت.ب. وسىدان كەيىن كومىر ساتىپ الۋ، ونى ساقتاۋ، ساپاسى سەكىلدى پروبلەمالاردى ويلاۋدىڭ قاجەتى بولمايدى. 

قالانى ارالاۋ بارىسىندا وڭتۇستىك-شىعىس ەلدى مەكەنىن گازداندىرۋ بارىسىمەن تانىستىم. مىسالى، 8-ءشى ىسكە قوسۋ كەشەنى بويىنشا قۇرىلىس-مونتاجداۋ جۇمىسى 95%-عا اياقتالدى. ناتيجەسىندە 90 كم گاز تاراتۋ جەلىسى سالىندى. بۇل اۋماققا پرومىشلەننىي، وڭتۇستىك-شىعىس (سول جاعى)، وڭتۇستىك-شىعىس ەلدى مەكەنىنىڭ وڭ جاعىنىڭ ءبىر بولىگى كىرەدى. قازىرگى ۋاقىتتا گاز قۇبىرىن سىناۋ جۇمىستارى جۇرگىزىلۋدە. 

سونىمەن قاتار، 9-شى ىسكە قوسۋ كەشەنىنىڭ قۇرىلىسى بويىنشا جۇمىستار جۇرگىزىلۋدە. بۇل – وڭتۇستىك-شىعىستىڭ نەگىزگى اۋماعى (وڭ جاعى). وندا 90 كم گاز تاراتۋ جەلىسىنىڭ 65 شاقىرىمى سالىندى. وسىلايشا الداعى جىلىتۋ ماۋسىمىندا وڭتۇستىك-شىعىس تۇرعىندارى گازعا قوسىلا الادى. بۇل شامامەن 4 مىڭ ءۇي. 

150-گە جۋىق ءۇي ورنالاسقان «قازاقاۋىل» (قاراوتكەل) شاعىن اۋدانىن گازداندىرۋعا قاتىستى جوبالاۋ-سمەتالىق قۇجاتتاما ازىرلەنىپ جاتىر. 

وتكەن ايدا كوكتال-1 گازبەن قامتاماسىز ەتىلدى. بۇل ەلدى مەكەننىڭ وزىندە تاعى 2600 ءۇي گازعا قول جەتكىزدى. ەندى تۇرعىندار جەلىنى ءۇيىنىڭ ىشىنە وتكىزۋى كەرەك.

سونىمەن قاتار اگروقالاشىق (2020 جىلى گازعا قوسىلماعان بولىگى)، پرومىشلەننىي ەلدى مەكەندەرىندە گاز تاراتۋ جەلىلەرىن سالۋدى جالعاستىرامىز. سونداي-اق، «قازترانسگاز ايماق» اق كۇيگەنجار، ميچۋرينو، ينتەرناتسيونالنىي ەلدى مەكەندەرىندە گازبەن جابدىقتاۋ جەلىلەرىنىڭ قۇرىلىسىن جۇرگىزۋدە. اتالعان ەلدى مەكەندەردىڭ تۇرعىندارى جاڭا جىلىتۋ ماۋسىمىندا گازعا قوسىلا الادى. 

وتكەن جىلىتۋ ماۋسىمىندا تەمىرجولشىلار، كوكتال-2، اگروقالاشىقتىڭ ء(بىر بولىگى) تۇرعىندارى گازعا قوسىلدى. 345 كم كۆارتالىشىلىك جەلى سالىندى.

بيىل بارلىعى 317 كم گاز تاراتۋ جەلىسىن سالامىز، ونىڭ 220 شاقىرىمنان استامى سالىندى.

گازداندىرۋ – ەلباسىنىڭ اۋقىمدى جوباسى. بۇل جوبا ەكولوگيانى ايتارلىقتاي جاقسارتۋعا مۇمكىندىك بەرەدى. سەبەبى جەر ۇيلەر كومىر جاقپايدى، قالا تۇرعىندارىنىڭ ءومىر ءسۇرۋ جاعدايى جاقسارادى، قاۋىپسىزدىك ارتادى جانە ت.ب. 

گازداندىرۋ پروتسەسى مەملەكەت باسشىسىنىڭ باقىلاۋىندا»، دەپ جازدى ەلوردا اكىمى.

سوڭعى جاڭالىقتار

الماتىدا باقىلاۋ كۇشەيتىلدى

كوروناۆيرۋس • كەشە

تىلىكسىز وتا جاسالدى

مەديتسينا • كەشە

ۇقساس جاڭالىقتار