ايماقتار • 15 شىلدە، 2021

ءۇش جىگىتتىڭ باستاماسى الماتىنىڭ اۋاسىن تازارتۋعا ارنالعان

62 رەت كورسەتىلدى

الماتى جاستارىنىڭ ستارتاپى سانالاتىن Blue Sky Energy ەلەكترتاكسي قىزمەتى قازىرگى تاڭدا قالادا جاپ-جاقسى سۇرانىسقا يە بولىپ كەلەدى.

بۇل باستاما 2020 جىلدىڭ قازان ايىندا قولعا الىنعان بولاتىن. جوبا قىس بويى مەدەۋ-شىمبۇلاق باعىتى بويىنشا بەلسەندى جۇمىس ىستەدى، ال كەيىنىرەك ەلەكتروموبيلدەردەگى تاكسي جۇمىسى بۇكىل قالانى قامتىدى. قازىر كومپانيا كليەنتتەرىنىڭ قاتارىندا قوناقۇيلەر، كومپانيالار، جەكە تۇلعالار بار. كومپانيا جۇمىسقا كىرىسكەلى بەرى ەكولوگيالىق كولىكتە 30 مىڭنان استام جولاۋشىنى تاسىمالدادى. جولاۋشىلاردىڭ باسىم بولىگى – قازاقستاننىڭ وزگە وڭىرلەرىنەن، تمد ەلدەرىنەن كەلگەن قوناقتار مەن شەتەلدىك تۋريستەر.

ء«بىزدىڭ جوبا الماتى اۋاسىنداعى كومىرقىشقىلدىڭ كولەمىن 200 كيلودان استام تومەندەتۋگە مۇمكىندىك بەرەدى جانە جىل سايىن ەكوتاسىمالدى قامتۋدى ۇلعايتۋدى جوسپارلاپ وتىرمىز. نەگىزگى ماقساتىمىز – ەلەكتروموبيلدەردىڭ ارتىقشىلىعىن كورسەتۋ. ءبىزدىڭ كولىكتەر اۋاعا زياندى گازداردى شىعارمايدى، دىبىسسىز جانە تەحنيكالىق قىزمەت كورسەتۋى دە قيىندىق تۋدىرمايدى ءارى ۇنەمدى. ەلەكتروموبيلدە 100 شاقىرىم ءجۇرىستىڭ باعاسى ۇيدە قۋاتتالعاندا بار بولعانى 250 تەڭگە تۇرادى. سونىمەن قاتار بۇل اۆتو­موبيلدەر ءۇشىن كولىك سالىعى، لي­تسەنزيالىق الىم جوق، العاشقى تىركەۋ كەزىندە 50% جەڭىلدىك قولدانىلادى. سونداي-اق، ەلەكتروموبيلدە موتور جوق، سايكەسىنشە جانار-جاعارمايمەن جۇرەتىن اۆتوموبيلدەرمەن سالىستىرعاندا ماي مەن باسقا دا ماتەريالدارعا شىعىن از كەتەدى»، – دەيدى كومپانيانىڭ قۇرىل­تايشىسى اۋەز تولەگەنوۆ.

ءۇش جىگىت ۇيىمداستىرعان Blue Sky Energy ستارتاپىنا 100 ملن تەڭگەگە جۋىق قاراجات سالىنعان. ولار كومپانيا حالىق-­
ارالىق اۋەجاي اۋماعىندا قىزمەت كورسەتۋ ءۇشىن 9 ەلەكتروموبيل ساتىپ الدى، قالا بويىنشا 5 قۋاتتاۋ ستانتسياسىن ورناتتى. ال 2020 جىلى Qoldaý كاسىپكەرلىك ورتا­لى­عى­نىڭ قولداۋىمەن «بيزنەستىڭ جول كارتاسى-2025» مەملەكەتتىك باعدارلاماسى اياسىندا كاسىپكەرلەرگە ەلەكتروموبيلدەرگە ارنالعان قۋاتتاۋ ستانساسىن ورناتۋ ءۇشىن 3،2 ملن تەڭگە كولەمىندە قايتارىمسىز گرانت بەرىلدى. جوبا 30-دان استام جۇمىس ور­نىن اشۋعا مۇمكىندىك بەرگەنىن اتاپ وتكەن ءجون.

ء«بىزدىڭ تاكسوپارك ءبىر تاۋلىكتە وتە كوپ جولاۋشىنى تاسىمالدايدى. ءبىز جو­با ار­قىلى ادامدار ەلەكترتاكسيىمەن جۇرە الاتىن بولسا، وندا ولار وزدەرى دە ەلەكترو­م­وبيلدى جۇرگىزە الاتىنىن كورسەتكىمىز كە­لەدى. سونىمەن قا­تار ەلەكتر­­تاكسيدە 1 شاقى­رىم ءجۇرۋ كومىر­قىش­­قىل گازىنىڭ شىعا­رىندىسىن 1 گرامعا ازاي­تادى، ال جىل­دىق پايدالانۋ كەزىندە بۇل ەندى گرامم ەمەس، توننا بولادى. وسىلاي­شا، ەلەكترو­موبيلگە اۋىسىپ، الماتىلىق­تار قالا ەكولوگياسىن جاقسارتۋعا ۇلەس قوسا الادى. بولاشاق ۇرپاق ءۇشىن تازا اۋا قالدىرۋ اسا ماڭىز­دى. كوپتەگەن ادام ەلەكتروموبيلدەردى اۋقاتتى ازاماتتار الىپ كەلەدى دەپ سانايدى. ءتىپتى كەي ادامدار ەلەكتروموبيلدىڭ شا­ما­مەن 7 ملن تەڭگە تۇراتىنىن بىلمەيدى. سو­نى­مەن قاتار قازاقستاندا قۋاتتاۋ ستان­­سا­لارىنىڭ جەلىسى دامىماعان. بولا­شاقتا ءبىز ەكولوگيالىق تازا كولىك تۇر­لەرىنە كو­شەمىز دەپ ويلايمىن. بۇل قازىر دا­مىعان ەلدەردە بايقالىپ وتىرعان ترەند»، دەدى اۋەز تولەگەنوۆ.

كومپانيا 2026 جىلعا قاراي ەكو-تاكسوپاركتى 500 ەلەكتروموبيلگە دەيىن كوبەيتىپ، قۋاتتاۋ ەلەكتر ستانسالارىن 300-گە دەيىن ۇلعايتۋدى جوسپارلاپ وتىر. سونداي-اق جوبانى ەلىمىزدىڭ ءىرى قالالارىندا دامىتۋ ويدا بار. بۇعان قوسا، جاس كاسىپكەرلەر ەۋروپا مەن اقش-تاعى ەلەكتروموبيلدەرگە سۇرانىستىڭ ارتۋىنا بايلانىستى شەتەلدەن ينۆەستي­تسيا تارتۋعا ءۇمىتتى.

 

الماتى

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار