ايماقتار • 15 شىلدە، 2021

اتىراۋدا بىرنەشە نىساننىڭ جۇمىسى توقتاتىلادى

وبلىستىڭ باس مەملەكەتتىك سانيتار دارىگەرى مادەنيەت تاناۋوۆ جاڭا قاۋلىعا قول قويدى. سوعان سايكەس Ashyq جوباسىنا قاتىساتىنىنا قاراماستان بىرنەشە نىساننىڭ جۇمىسى توقتاتىلادى، دەپ حابارلايدى Egemen.kz.

جولداسبەك كوشەرباي ۇلى

«كوپشىلىك ءىس-شارالاردى (مەرەكەلىك، كوپشىلىك مادەني ءىس-شارالاردى، كورمەلەردى، كورپوراتيۆتەردى، فورۋمداردى، كونفەرەنتسيالاردى) سونداي-اق وتباسىلىق، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ جانە ت. ب.)، ونىڭ ىشىندە ۇيدە جانە جاپپاي ادامدار جينالاتىن وزگە دە ءىس-شارالاردى وتكىزۋ، ويىن-ساۋىق وبەكتىلەرىنىڭ، بانكەت زالدارىنىڭ، جابىق ءۇي-جايداعى، سونىڭ ىشىندە قوعامدىق تاماقتانۋ وبەكتىلەرىندەگى بالالار ويىن-ساۋىق ورتالىقتارى مەن اتتراكتسيونداردىڭ، ويىن الاڭدارىنىڭ (اۋلاداعىلاردى قوسپاعاندا)، كاليان، بۋكمەكەرلىك كەڭسەلەردىڭ، ويىن كلۋبتارىنىڭ، تۇنگى كلۋبتاردىڭ، مەرەكەلەردى ۇيىمداستىرۋ بويىنشا قىزمەت كورسەتۋدىڭ قىزمەتى توقتاتىلسىن»، دەلىنگەن قاۋلىدا.

سونداي-اق كورەرمەندەرى بار سپورتتىق ءىس-شارالاردى وتكىزۋ، اشىق اۋاداعى اتتراكتسيونداردىڭ بارلىق تۇرلەرىنىڭ جۇمىسىنا (دەمالىس ساياباقتارىندا، الاڭداردا)، باسسەيندەرى بار اكۆاپاركتەردىڭ جۇمىسى، الاڭدارداعى، ساياباقتارداعى، سكۆەرلەردەگى، جاعالاۋداعى بالالاردىڭ، ەرەسەكتەردىڭ جىلجىمالى ويىن قۇرالدارىنىڭ ۇساق بولشەك ساۋداسى، جالعا بەرۋ، قالارالىق، وبلىسارالىق، قالالىق جۇيەلى جانە جۇيەلى ەمەس اۆتوبۋس جانە شاعىن اۆتوبۋس تاسىمالدارى، جينالىستار، كەڭەستەر، سەمينارلار، كونفەرەنتسيالاردى وففلاين رەجيمدە وتكىزۋ توقتايتىن بولدى.

وبلىستىڭ باس مەملەكەتتىك سانيتار دارىگەرىنىڭ جاڭا قاۋلىسى 17 شىلدەدە ساعات 00:00-دەن باستاپ كۇشىنە ەنەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز