ە.قاراشوكەەۆ ماڭعىستاۋ وبلىسىنداعى قاتتى قۇرعاقشىلىقتان زارداپ شەككەن اگرارشىلارعا كومەك كورسەتۋ ءۇشىن ۇكىمەت پەن اۋىل شارۋاشىلىعى مينيسترلىگى قابىلداپ جاتقان جەدەل شارالار تۋرالى حابارلادى. اتاپ ايتقاندا, 12 شىلدەدە ۇكىمەت رەزەرۆىنەن اۋىل شارۋاشىلىعى جانۋارلارىنىڭ قىستاۋى ءۇشىن ازىق قۇنىن ارزانداتۋعا 1,9 ملرد تەڭگە بولىنگەن. ول ءۇي جانە شارۋا قوجالىقتارىنىڭ يەلەرىنە بەرىلەدى.
ازىق-ت ۇلىك كورپوراتسياسى ارقىلى ماڭعىستاۋ وبلىسى ءۇشىن قۇنى نارىقتىق باعادان 17%-عا تومەن 637 توننا ارپا ساتىلدى. ونىڭ ىشىندە 211 تونناسى ءۇي شارۋاشىلىقتارىنا ساتىلدى. كەلەسى اپتادا قوسىمشا 573 توننا ارپا جەتكىزىلەتىن بولادى.
كەزدەسۋ بارىسىندا ورمان شارۋاشىلىعى, رەزەرۆاتتار اۋماقتارىندا مال جايۋ جانە ءشوپ شابۋ ماسەلەسى دە پىسىقتالدى.
ەلدەن ازىق شىعارۋعا تىيىم سالۋ بويىنشا شارالار قابىلداناتىن بولادى. جەمشوپ دايىنداۋ ءۇشىن ارزانداتىلعان ججم كولەمدەرىن قايتا ءبولۋ ماسەلەسى دە قوسىمشا قاراستىرىلۋدا.
«ازىق-ت ۇلىكپەن قامتاماسىز ەتۋ جانە جەدەل ارەكەت ەتۋ ماسەلەلەرىن شەشۋدى ۇيلەستىرۋ ءۇشىن, اشم جانىنان رەسپۋبليكالىق جەدەل شتاب قۇرىلدى. ونىڭ قۇرامىنا وبلىس, اۋدان اكىمدەرىنىڭ ورىنباسارلارى, «بايتەرەك» حولدينگى مەن ازىق-ت ۇلىك كورپوراتسياسىنىڭ قارجىلاندىرۋشى ۇيىمدارىنىڭ باسشىلارى كىردى. وبلىس اكىمدىكتەرى الداعى قىستاۋعا ارنالعان جەم دايىنداۋ جوسپارىن ايقىنداپ, ولاردى ورىنداۋ بويىنشا اپتا سايىنعى مونيتورينگتىك جۇمىستاردى ۇيىمداستىردى», دەدى ءمينيستردىڭ مىندەتىن اتقارۋشى.
ساپار سوڭىندا ە.قاراشوكەەۆ وبلىس اكىمى سەرىكباي ترۇموۆپەن كەزدەسىپ, ءوڭىردىڭ اۋىل شارۋاشىلىعىن دامىتۋ ماسەلەلەرى جونىندەگى كەڭەسكە قاتىستى. وڭىردەگى شارۋاشىلىقتى جەم-شوپپەن قامتاماسىز ەتۋ جونىندەگى جۇيەلى شەشىمدەردى ىسكە اسىرۋدى, جەمشوپتى فورۆاردتىق ساتىپ الۋ جانە جەمشوپ قۇنىن ارزانداتۋ ءۇشىن جەرگىلىكتى بيۋدجەتتەردەن قوسىمشا قاراجات قاراستىرۋدى, سونداي-اق ءىرى مۇناي جانە قۇرىلىس كومپانيالارىنىڭ تەحنيكاسىن باتىس قازاقستان جانە اقتوبە وبلىستارىنان ازىق جەتكىزۋگە جۇمىلدىرۋدى ۇسىندى.
مال شارۋاشىلىعىن قولداۋ ءۇشىن, وڭىردە فەرمەرلەردىڭ كرەديت بويىنشا تولەمدەرىن ۇزارتۋ ماسەلەسى قارالاتىن بولادى.
«اكىمدىكپەن بىرلەسىپ جەم-ءشوپ ءوندىرىسىن دامىتۋ جانە جايىلىمداردى جاقسارتۋ بويىنشا جۇيەلى شارالار قابىلدايتىن بولامىز. مۇندا بارلىق يەسىز جاتقان قۇدىقتار مەن ۇڭعىمالاردى تۇگەندەۋ, سۋ بوگەتتەرىن سالۋ جانە عالىمدارمەن بىرلەسە وتىرىپ قۇرعاق داقىلداردى ءوسىرۋ قاجەت. ەڭ باستىسى, سىني جاعدايلار تۋىنداعان كەزدە ۋاقتىلى شەشىم قابىلداۋ كەرەك, ويتكەنى بۇل تاۋەكەلدەر بولجانىپ وتىر», دەدى ە.قاراشوكەەۆ.
سونداي-اق ول اۋىل شارۋاشىلىعى مينيسترلىگى ءاردايىم اشىق ەكەنىن جانە وڭىرلەردىڭ ۇسىنىسىن ۇكىمەت دەڭگەيىنە قاراۋعا شىعارۋعا دايىن ەكەنىن ايتتى.
