جولجۇك پەن قول جۇگىن الىپ ءجۇرۋ نورمالارى بويىنشا سۇراقتار جولاۋشىلار اراسىندا ەرەكشە وزەكتى.
وسىعان بايلانىستى «قازاقستاننىڭ اۆياتسيا اكىمشىلىگى» اق جولاۋشىلارعا ارنالعان جيىنتىق اقپاراتتى جانە اۋە كولىگىندە جۇك الىپ ءجۇرۋ قاعيدالارى بويىنشا جالپى ۇسىنىمداردى جاريالادى.
قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭنىڭ 76-بابىنىڭ 1, 2-تارماقتارىنا سايكەس جولاۋشىلاردى جانە جۇكتەردى كوممەرتسيالىق اۋەمەن تاسىمالداۋ اۋە بيلەتى نەگىزىندە جۇزەگە اسىرىلادى.
باگاجدى تىركەگەننەن كەيىن اۆياكومپانيا ونىڭ ساقتالۋىنا جاۋاپ بەرەدى. جولاۋشىعا جولجۇك ءنومىرى بار بيركانىڭ ۇزبەلى تالونىن جولجۇك جەتكىزۋ بەكەتىندە الىنعانعا دەيىن ساقتاۋ كەرەك.
جولجۇك كەشىكتىرىلگەن, جەتىسپەگەن, ب ۇلىنگەن نەمەسە جوعالعان جاعدايلاردا, سونداي-اق باگاج تۇبىرتەگى مەن جولجۇك ءنومىرى بار بيركانىڭ ۇزبەلى تالونىن كورسەتپەي جولجۇك بەرىلگەن جاعدايدا تاسىمالداۋ كەزىندە اقاۋلىق تۋرالى اكت تولتىرىلادى.
مۇمكىندىگى شەكتەۋلى ادامدار مەن ءجۇرىپ-تۇرۋى شەكتەۋلى توپتار قاتارىنداعى جولاۋشىلار جەكە پايدالانۋعا ارنالعان زەمبىلدەردى جانە كرەسلو-اربانى وزىمەن بىرگە جولجۇك رەتىندە قوسىمشا تەگىن الىپ جۇرە الادى.
«ىشكى رەيستەردە جولجۇكتى تاسىمالداۋ كەزىندە تۋىنداعان داۋلار جەرگىلىكتى زاڭناما شەڭبەرىندە قارالادى. حالىقارالىق باعىتتار بويىنشا شارت شەڭبەرىندە اۆياكومپانيالاردىڭ جولاۋشىلار الدىنداعى جاۋاپكەرشىلىگى قاتىسۋشى اۆياتاسىمالداۋشىلاردىڭ قاعيدالارىمەن رەتتەلەدى جانە تۋىنداعان بارلىق داۋلار قاتىسۋشى تاراپ مەملەكەتتەرى راتيفيكاتسيالاعان كونۆەنتسيالار مەن حالىقارالىق كەلىسىمدەردىڭ ەرەجەلەرىنە سايكەس قارالادى», دەلىنگەن حابارلامادا.
