وسى كەشتىڭ باستى باسەكەسىندە قازاقستاندىق ەۆگەني ەگەمبەرديەۆ پەن رەسەيلىك ءمۇسىلىم ماگومەدوۆ ايقاسادى. «مەتيس» دەگەن لاقاپ اتپەن تانىلعان 36 جاستاعى تارازدىڭ تۋماسى كەزىندە بوكستان جاستار اراسىنداعى الەم بىرىنشىلىگىنىڭ كۇمىس جۇلدەگەرى اتانعان. ارالاس جەكپە-جەكتەن 15 كەزدەسۋ وتكىزگەن «الاش پرايد» كلۋبىنىڭ مۇشەسى 12 رەت جەڭىسكە جەتتى. 9 باسەكەنى مەرزىمىنەن بۇرىن اياقتادى.
26 جاستاعى ءمۇسىلىم ماحاچكالا قالاسىندا دۇنيەگە كەلدى. ونىڭ وسى سپورت ءتۇرىن سەرىك ەتكەلى ءتورت جىلدان استى. سول ارالىقتا توعىز رەت وكتاگونعا شىعىپ, بارلىعىندا باسىمدىق تانىتتى. ءتورت قارسىلاسىن ول ايقىن ۇتتى. وسىدان ءۇش جىل بۇرىن ماگومەدوۆ ءبىزدىڭ اسىلجان باقىتجان ۇلىمەن كەزدەسىپ, ەكىنشى راۋندتا «قىلقىندىرۋ» ادىسىمەن جەڭگەنىن جانكۇيەرلەر ۇمىتا قويعان جوق. وسى جولى ەگەمبەرديەۆ ءوزىنىڭ كوماندالىق ارىپتەسى جىبەرگەن ەسەنى قايتارادى دەگەن سەنىمدەمىز. بۇل باسەكەدە اسا پروموۋشەنىنىڭ اۋىر سالماقتاعى (93,4 كيلو) چەمپيوندىق بەلبەۋى ساراپقا سالىنادى.
قارا تەڭىز جاعلاۋىندا وتەتىن جارىستا مارات بالاەۆ (رەسەي) پەن جواو لۋيس نوگەيرا (برازيليا), ەۆگەني گونچاروۆ (رەسەي) مەن فرانسيمار بارروسو (برازيليا), داۋد شايحاەۆ (رەسەي) پەن سامۆەل ۆاردانيان (ارمەنيا) جانە تاعى باسقا بەلدى سپورتشىلار ءوز ونەرلەرىن ورتاعا سالادى.
