ءماندى شارانى م.تىنىشباەۆ اتىنداعى الماتى وبلىستىق تاريحي-ولكەتانۋ مۋزەيىنىڭ فيليالى جامبىل جاباەۆتىڭ ادەبي-مەموريالدىق مۋزەيىنىڭ قىزمەتكەرلەرى ۇيىمداستىرۋدا. اشىلۋ راسىمىنە تاريحي-ولكەتانۋ مۋزەيىنىڭ ديرەكتورى, كورمە جەتەكشىسى ىرىسجان ايازباەۆا, ارقالى اقىننىڭ نەمەرەسى سالتانات جامبىلوۆا, شوبەرەسى قارلىعاش تەزەكباي قاتىسىپ, ساپار ماقساتى تۋرالى كەڭىنەن بايانداپ بەردى. كەڭەس وداعىنىڭ باتىرى مالىك عابدۋلليننىڭ مۇراجايىندا وتكىزىلىپ جاتقان كورمە بارىسىندا جالعىز جادىگەرلەر عانا ەمەس, جىر الىبىنىڭ اقباس تولقىندارى بۋىرقانعان الاپات تەڭىز ىسپەتتى رۋحاني الەمى بار سىرىن اشىپ, اشەكەيلى الەمىن جارقىراتا كورسەتۋدە. جىرشىنىڭ ەكى بىردەي دومبىراسى, كەلىستى كەمەر بەلدىگى, وتباسىلىق فوتوسۋرەتتەرى, ءار جىلدارى جارىق كورگەن جيناقتارى, تۇتىنعان زاتتارى دا سىزىلتا سىر شەرتىپ تۇرعانداي.
– 1938 جىلى اتامىزعا ەڭسەسى بيىك 12 بولمەلى ءۇي تۇرعىزىلعان, – دەيدى قارلىعاش تەزەكباي, – قازىرگى كۇنى بۇل ءۇي مەموريالدىق مۋزەيگە اينالدى. ءۇش مىڭنان استام جادىگەر جيناقتالدى. كوكشەتاۋعا ءبىز سونىڭ نەگىزگىلەرىن عانا اكەلدىك.
مالىك عابدۋللين مەن جامبىل جاباەۆتىڭ اراسىنداعى اعالى-ىنىلىككە ۇلاسقان سىيلاستىق پەن ىزەت جايىندا اسەرلى اڭگىمە ءوربىپ, رۋحاني بايلانىستىڭ ءتىنى تارقاتىلىپ ايتىلدى. كوكشەتاۋلىقتار جىر داريانىڭ ءمولدىر تامشىلارىمەن مەيىرىن قاندىرعان ءماندى شارا ءالى دە جالعاسۋدا.
كوكشەتاۋ
