ايماقتار • 15 شىلدە، 2021

5 ملن تەڭگەنىڭ گرانتىن جەڭىپ الدى

33 رەت كورسەتىلدى

جۋىردا الماتىنىڭ تۇرعىنى پلاستيكالىق بۇيىمداردى وندىرۋگە 5 ملن تەڭگە گرانت جەڭىپ الدى. وسىلايشا مەگاپوليستەگى SCI Company كومپانياسى «بيزنەستىڭ جول كارتاسى-2025» مەملەكەتتىك باعدارلاماسى ارقىلى 5 ملن تەڭگە كولەمىندەگى گرانتقا قول جەتكىزىپ، پلاستماسسا بۇيىمدارىن شىعاراتىن ءوندىرىسىن كەڭەيتىپ وتىر. كاسىپكەرگە گرانتقا ءوتىنىم راسىمدەۋگە جانە بيزنەس-جوسپار قۇرۋعا Qolday كاسىپكەرلىك ورتالىعى سەپتەسكەنىن ايتا كەتۋ كەرەك.

«قازىر بىزبەن پلاستيكتەن جا­سالعان ونىمدەردى قاجەت ەتەتىن ءىرى زاۋىتتار بىرگە جۇمىس ىستەپ جاتىر. ليتي ماشيناسى ءبىر اۋىسىمدا 10 مىڭ دانا ءونىم شىعارۋعا مۇمكىندىك بەرەدى. گرانت – بۇل كاسىپكەرلەرگە مەملەكەت تاراپىنان كورسەتىلگەن ۇلكەن قولداۋ»، دەيدى كومپانيا باسشىسى يرينا اباسوۆا.

كومپانيا 2015 جىلى شاعىن وندىرىستىك تسەح رەتىندە قۇرىلعان. ولار باسپالداقتارعا ارنالعان شتەپسەلدەردى، ونەركاسىپتىك سور­عى­لارعا ارنالعان بولشەكتەردى، جەكە ديزاين بويىنشا پليتكالاردى تەگىستەۋگە ارنالعان بۇرىشتار مەن بەكىتپەلەردى شىعاردى. سونىمەن قاتار كومپانيا كەي ونىمدەرىن، ايتالىق، فۋتبول قاق­پا­لارىنا تورلاردى بەكىتۋگە ارنالعان بولشەكتەردى رەسەيگە ەكسپورتقا جىبەردى.

ء«بىز كەز كەلگەن وندىرىسكە قىز­مەت كورسەتە الامىز. بىردە يوگا­مەن اينالىساتىندار بىزگە ار­نايى پيراميدالارعا تاپسىرىس بەرگەن، ولاردىڭ الماتىدا ۇلكەن كونگرەسى بولعان. تاعى ءبىر كاسىپكەردىڭ ءوتىنىشى بويىن­شا «قازاق حاندىعى» ويىنىن قۇرۋشى ءۇشىن ءبىز كيىز ءۇي تۇ­رىندەگى مۇسىندەردى قۇيدىق. لوك­داۋن كەزىندە انتيسەپتيكتەرگە ارنالعان توسەمدەر شىعاردىق، ولار قىتايدان ءب ۇلىنىپ كەلگەن ەكەن، ءبىز جىلدام جوندەپ، قايتا شىعاردىق. قىتايدا 5-10 مىڭ دانا بولاتىن شاعىن پارتياعا تاپسىرىس بەرە المايسىز، وندا مۇنداي كولەمدە تاپسىرىس قابىل­دامايدى»، دەيدى يرينا.

جاقىندا سەرىكتەستەردىڭ ۇسى­­نىسى بويىنشا SCI Compa­ny كوم­پانياسى قازاقستاننىڭ ماشينا جاساۋ قاۋىمداستىعىنا قوسىلدى. كومپانيانىڭ ماقسا­تى ۇلكەن – ءوز برەندىمەن جاپ­پاي ءوندىرىستى ىسكە قوسۋ، ءىرى زاۋىت دەڭ­گەيىنە جەتۋ. ال قازىر كومپانيا باسشىسى تاپسىرىستار­دىڭ جوقتىعىنا شاعىمدان­باۋ كەرەك ەكەنىن ايتادى، سەبەبى قازاقستاندا تاپسىرىس بەرۋشى­گە جاقسى سەرۆيس ۇسىنىپ، كليەنتتەرمەن كوممۋنيكاتسيا قۇرا الاتىن ۇساق وندىرىستەر ءالى دە جەتكىلىكسىز.

 

الماتى

 

سوڭعى جاڭالىقتار

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار