اۆتوبۋستاردا, ترامۆايلاردا جانە ميكرواۆتوبۋستاردا جولاقىسىن SMS, QR-كود جانە «Oskemencard» كولىك كارتاسى ارقىلى تولەۋگە بولادى.
قازىر قالانىڭ بارلىق قوعامدىق كولىكتەرى ۆاليداتورلارمەن, GPS-ترەكەرلەرمەن, بورتتىق كومپيۋتەرلەرمەن جانە ءموبيلدى تەرمينالدارمەن جابدىقتالعان.
جولاقىسىنىڭ اۆتوماتتاندىرىلعان تولەم جۇيەسىنە 9 مارشرۋت (№ 228, 229, 230, 246, 253, 255, 260, 261 جانە 262), 4 اۆتوبۋس (№12, 24, 60 جانە 67) جانە 3 ترامۆاي باعىتى (№ 1, 3 جانە 4) قوسىلعان.
جۇيە تامىزدىڭ سوڭىنا دەيىن بارلىق قالالىق مارشرۋتتاردا ىسكە قوسىلماق.
جولاقىسىن بۇكىل الەمدە كەڭىنەن تارالعان ءداستۇرلى ءتاسىل – كولىك كارتاسى بويىنشا دا تولەۋگە بولادى. كارتا قالانىڭ 34 نۇكتەسىندە ساتىلادى, شىعارىلادى جانە تولتىرىلادى. بۇل كارتانىڭ قۇنى 500 تەڭگەنى قۇرايدى. جەڭىلدىك قاراستىرىلعان ازاماتتارعا اتالمىش كولىك كارتاسى مەكتەپ كارتاسى سياقتى تەگىن بەرىلەتىن بولادى.
بۇدان بولەك, «Oskemenbus» ءموبيلدى قوسىمشاسى دا ىسكە قوسىلدى. وندا اۆتوبۋس قوزعالىسىن قاداعالاۋعا, قوعامدىق كولىكتەردىڭ ءجۇرۋ كەستەسى مەن ناقتى ۋاقىتىن تەكسەرۋگە جانە مەجەلى جەرگە دەيىن بارۋدىڭ ىڭعايلى مارشرۋتىن قۇرۋعا بولادى. قوسىمشا ىسكە قوسىلعان ساتتەن باستاپ ونى 100 مىڭنان استام ادام جۇكتەپ العان.
