كۇننەن-كۇنگە قاتارى سەلدىرەپ بارا جاتقان سوعىس جانە ەڭبەك ارداگەرلەرىنە قانداي قۇرمەت كورسەتسەك تە ارتىق ەمەس قوي. باتىس قازاقستان وبلىسىنىڭ باسشىلىعى دا كەۋدەلەرىن وق تەسكەن قارت مايدانگەرلەردى ءبىر ءسات ەستەن شىعارماي, اركەز ءوزىنىڭ ورىندى سىي-قۇرمەتىن كورسەتىپ كەلەدى. وتكەن جاڭا جىل قارساڭىندا دا سونداي اعا بۋىن وكىلدەرىنە ارنايى قۇتتىقتاۋ حات جولدانىپ, ىزگى تىلەكتەر جەتكىزىلدى.
كۇننەن-كۇنگە قاتارى سەلدىرەپ بارا جاتقان سوعىس جانە ەڭبەك ارداگەرلەرىنە قانداي قۇرمەت كورسەتسەك تە ارتىق ەمەس قوي. باتىس قازاقستان وبلىسىنىڭ باسشىلىعى دا كەۋدەلەرىن وق تەسكەن قارت مايدانگەرلەردى ءبىر ءسات ەستەن شىعارماي, اركەز ءوزىنىڭ ورىندى سىي-قۇرمەتىن كورسەتىپ كەلەدى. وتكەن جاڭا جىل قارساڭىندا دا سونداي اعا بۋىن وكىلدەرىنە ارنايى قۇتتىقتاۋ حات جولدانىپ, ىزگى تىلەكتەر جەتكىزىلدى.
سولاردىڭ قاتارىندا قاسيەتتى دە كيەلى وردا توپىراعىنىڭ تۇلەگى, بۇگىن توقساننىڭ تورىنە شىعاتىن قارت جاۋىنگەر كامال اتا ناربولوۆ تا بار. وبلىس باسشىلىعىنىڭ اتالمىش جاڭا جىلدىق قۇتتىقتاۋ سالەم حاتىن «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى تىلەگەن ارىستانبەكوۆ پەن سايقىن اۋىلدىق وكرۋگىنىڭ اكىمى بيسەنبەك ناسيموللين كامال اتانىڭ شاڭىراعىنا ارنايى بارىپ تابىستاپ, ول كىسىگە بالا-شاعاسى مەن نەمەرە-شوبەرەسىنىڭ قىزىعىن كورە بەرۋگە ىزگى تىلەكتەستىكتەرىن جەتكىزدى. ءارى توقسانعا تولىپ وتىرعان مەرەيتويىمەن قۇتتىقتاپ, سوناۋ ءبىر قيىن-قىستاۋ كۇندەردە كورسەتكەن ەرلىك ىستەرى ۇرپاققا ۇلگى-ونەگە بولىپ قالا بەرەتىندىگىن ايتتى.
وتان سوعىسىنىڭ ارداگەرى كامال اتا – جاپون سامۋرايلارىن تالقانداۋعا قاتىسىپ, «سەيسەن» وپەراتسياسىندا دا ەرەكشە كوزگە تۇسكەن جاۋىنگەر. سوعىستان كەيىن ول تۋعان توپىراعى – وردا اۋىلىنداعى مەحانيزاتسيا مەكتەبىندە ۇزاق جىل ۇستازدىق ەتكەن ەلگە سىيلى قاريا.
ايتا كەتەلىك, «ۇلكەنگە – قۇرمەت, كىشىگە – ىزەت» دەگەندەي, ومىردە ءوز ورىندارى بار تاعى ءبىر توپ ەڭبەك ارداگەرىنە كۇنى كەشە اۋداندىق ءماسليحات سەسسياسىنىڭ ارنايى شەشىمىمەن بوكەي ورداسى اۋدانىنىڭ «قۇرمەتتى ازاماتى» اتاعى بەرىلدى. اۋدان اكىمدىگىندە وتكەن القالى جيىندا اۋدان باسشىسى نۇرلان راحىمجانوۆ, سونداي ەل قۇرمەتىنە بولەنگەن نوقاش قادىموۆ, يران داۋلەنوۆ, ساقتار حايروللين, نۇرحات شارىپقاليەۆ جانە بولات لۇقپانوۆقا ارنايى كۋالىك پەن توسبەلگىنى ءوز قولىمەن تابىستاپ, وسىناۋ ەل اعالارىنىڭ قاي كەزدە دە مەرەيلەرى ۇستەم بولا بەرۋلەرىنە ىزگى تىلەكتەستىگىن ءبىلدىردى.
تەمىر قۇسايىن,
«ەگەمەن قازاقستان».
باتىس قازاقستان وبلىسى,
بوكەي ورداسى اۋدانى.
