«زاڭسىز ترافيك» ءىس-شاراسىنىڭ بارىسىندا قازاقستان رەسپۋبليكاسىنىڭ كوشى-قون زاڭناماسىن بۇزعان 337 شەتەلدىك ازامات اكىمشىلىك جاۋاپكەرشىلىككە تارتىلدى.
سوت شەشىمىمەن تمد ەلدەرىنىڭ 35 ازاماتى قازاقستان رەسپۋبليكاسىنان تىس جەرگە شىعارىلدى.
«شەتەلدىك جۇمىسشى كۇشىن جانە يمميگرانتتاردى تارتۋدا قازاقستان رەسپۋبليكاسىنىڭ زاڭناماسىن بۇزعانى ءۇشىن قازاقستان رەسپۋبليكاسىنىڭ ءتورت ازاماتىنا قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلدى. شەتەلدىكتەر مەن ازاماتتىعى جوق ادامداردى قابىلدايتىن جەكە جانە زاڭدى تۇلعالاردىڭ بۇزۋشىلىقتارى ءۇشىن قازاقستاننىڭ 194 ازاماتى اكىمشىلىك جاۋاپكەرشىلىككە تارتىلدى», دەپ مالىمدەدى جامبىل وبلىسى پد كوشى-قون قىزمەتى باسقارماسىنىڭ باستىعى ارمان تۇرداليەۆ.
قازاقستاننىڭ مەملەكەتتىك شەكاراسىن قاساقانا زاڭسىز كەسىپ وتكەنى ءۇشىن قىرعىزستان رەسپۋبليكاسىنىڭ ازاماتىنا قاتىستى سوتقا دەيىنگى تەرگەۋ امالدارى باستالدى.
زاڭسىز كوشى-قون ارنالارىن ۇيىمداستىرعانى ءۇشىن قازاقستاننىڭ ەكى ازاماتىنا قاتىستى تەرگەۋ جۇرگىزىلۋدە.
