مەديتسينا • 14 شىلدە، 2021

الماتىداعى تەلەمەديتسينا ورتالىعى كۆي جۇقتىرعان 3 مىڭنان استام ناۋقاستى باقىلاپ وتىر

45 رەت كورسەتىلدى

الماتى قالاسىندا تەلەمەديتسينا ورتالىعىنىڭ قىزمەتكەرلەرى كۆي جۇقتىرعان 3 مىڭنان استام ناۋقاسقا قاشىقتان كەڭەس بەرەدى ءارى كۇن سايىن مونيتورينگ جۇرگىزەدى. بۇگىندە الماتىداعى تەلەمەديتسينا ورتالىعىنداعى دارىگەرلەرى 3527 ناۋقاستى جانە ستاتسيونارعا شىققان 49 پاتسيەنتتى باقىلاپ وتىر، دەپ حابارلايدى Egemen.kz.

كۇن سايىن 2500-3000 كىرىس جانە شىعىس قوڭىراۋ بايلانىستارى قارالادى.

تەلەمەديتسينا ورتالىعى ۇيدە ەم قابىلداپ جاتقان COVID-19-بەن اۋراتىن پاتسيەنتتەرگە كومەك كورسەتۋ ماقساتىندا 2020 جىلعى قىركۇيەك ايىندا اشىلعان بولاتىن. بۇگىنگە دەيىن ورتالىق 52 158 كىرىس، 472 043 شىعىس قوڭىراۋعا قىزمەت كورسەتىپ ۇلگەرگەن. ورتالىق COVID-19 بەن اۋراتىن پاتسيەنتتەرگە، سونداي-اق، قاۋىپ توبىنا كىرەتىندەرمەن قاشىقتان باقىلاۋ مەن كونسۋلتاتسيا جۇرگىزەدى.

ء«بىز مساك ۇيىمدارىنىڭ ماماندارىمەن جۇرگىزىلگەن وفلاين كەڭەستەن سوڭ تمو ماماندارى ونلاين تۇرىندە كەڭەس بەرەدى جانە ءۇي كارانتينىندەگى COVID-19-بەن اۋراتىن پاتسيەنتتەر بويىنشا مونيتورينگ جۇرگىزەمىز. ەمدەلۋگە جاتقىزۋعا كورسەتكىشتەر بولعان كەزدە تمو موبيلدىك بريگادا نەمەسە جەدەل جاردەم شاقىرادى. پاتسيەنتتەردى ءتيىستى مەديتسينالىق كومەك كورسەتۋ ءۇشىن ستاتسيونارلارعا جىبەرەمىز»، دەدى تمو باسشىنىڭ م.ا. جۇلدىز باۋىرجانقىزى.

سونىمەن قاتار، الماتى قالاسىنىڭ تۇرعىندارىنان COVID-19 اۋرۋىنا شالدىققاندارعا مەديتسينالىق كومەك كورسەتۋ ماسەلەسى جونىندەگى كىرىس قوڭىراۋلار تۇسكەن كەزدە، ماماندار اكتيۆتى قابىلداپ، تۇرعىننىڭ تۇراتىن اۋماقتىلىعى بويىنشا قالا تۇرعىنىنا مەديتسينالىق كومەك كورسەتۋ ءۇشىن ەمحاناعا جىبەرەدى، سونداي-اق، ۆاكتسيناتسيا ماسەلەسى بويىنشا كەڭەس بەرەدى.

تەلەمەديتسينا ورتالىعىنا تاۋلىك بويىنا مىنا تەلەفونمەن حابارلاسۋعا بولادى: 8 (727) 300 505، ۇيالى تەلەفوننان قىسقا 13 12 نومەرى ارقىلى حابارلاسۋ كەرەك.

 

سوڭعى جاڭالىقتار

ۇقساس جاڭالىقتار