ءتىرى كەزىندە-اق جاساعان ەرلىكتەرى حالقىنا اڭىز بولىپ تاراعان حالىق قاھارمانى باۋىرجان مومىش ۇلى: «ەردى ەل ءۇشىن, جىگىتتى جۇرت ءۇشىن ماقتا», دەگەن ەكەن. قۇيعان اۋىلىنىڭ ازاماتى مىرزالى باتىرحاننىڭ ءىس-ارەكەتىن بۇكىل بالقاش اۋدانىنىڭ جۇرتشىلىعى ەرلىك دەپ, وعان ۇلكەن قۇرمەت كورسەتىپ وتىر. اۋدان اكىمى بەيسەعالي ءجۇنىسوۆ تە: «مۇنداي باتىل ارەكەت باعالانۋى كەرەك», – دەپ جاقىندا وعان بالقاش اۋدانىنىڭ قۇرمەتتى ازاماتى اتاعىن بەرىپ, كەۋدەسىنە توسبەلگى تاقتى.
ءتىرى كەزىندە-اق جاساعان ەرلىكتەرى حالقىنا اڭىز بولىپ تاراعان حالىق قاھارمانى باۋىرجان مومىش ۇلى: «ەردى ەل ءۇشىن, جىگىتتى جۇرت ءۇشىن ماقتا», دەگەن ەكەن. قۇيعان اۋىلىنىڭ ازاماتى مىرزالى باتىرحاننىڭ ءىس-ارەكەتىن بۇكىل بالقاش اۋدانىنىڭ جۇرتشىلىعى ەرلىك دەپ, وعان ۇلكەن قۇرمەت كورسەتىپ وتىر. اۋدان اكىمى بەيسەعالي ءجۇنىسوۆ تە: «مۇنداي باتىل ارەكەت باعالانۋى كەرەك», – دەپ جاقىندا وعان بالقاش اۋدانىنىڭ قۇرمەتتى ازاماتى اتاعىن بەرىپ, كەۋدەسىنە توسبەلگى تاقتى.
بالىقشىلاردى ەر حالىق دەسە دە بولادى. ولار كۇننىڭ ىستىق-سۋىعىنا قاراماي, بالقاش كولىنە موتورلى قايىقتارىمەن ءجيى شىعىپ, اۋ سالادى. كەيدە تابان استىنان جەل تۇرىپ كەتىپ, اساۋ تولقىندارعا تاپ بولاتىن كەزدەرى دە كەزدەسەدى. كولدەن سۋ مارجاندارىن تەرگەن كاسىپقوي بالىقشىلاردى ونداي قيىنشىلىقتار جاسىتا المايدى. قايتا شاربولات ءتارىزدى شىڭدالا تۇسەدى. قايىقتارى اۋىپ كەتىپ, سۋعا باتىپ كەتەتىن كەزدەرى دە سيرەك بولسا دا كەزدەسەدى. ونداي وقىس وقيعالار دا ولاردىڭ ءوز كاسىپتەرىنە دەگەن ىنتىزارلىعىن ءبىر ساتكە دە باسەڭسىتە المايدى.
بۇكىل اۋدان حالقى ەرلىككە بالاپ وتىرعان ءىس-ارەكەتتى جاسايتىن كۇنى باتىرحان بالىق اۋلاۋعا شىققاندا جەل باياۋ ەدى. بالقاش كولى ادەتىنشە تەربەلىپ قانا جاتقان-دى. ءتۇس اۋا جەل كۇشەيىپ, تولقىندار اق كوبىگىن شاشىپ, مىنەز كورسەتە باستادى.
تەڭىزدىڭ سىرى وزىنە بەلگىلى. جۋىق ارادا باسىلا قويمايدى. وسىنداي ويمەن قايتۋعا جينالا باستاعاندا الىستان سۋعا ءبىر باتىپ, ءبىر شىعىپ بارا جاتقان ادامداردى كوزى شالادى. ويلانباستان قايىعىن سولاي قاراي بۇرىپ بارسا, قايىقتارى اۋدارىلىپ, ءومىر ءۇشىن ارپالىسىپ جاتقان ءتورت ادامدى كورەدى. بىرتىندەپ, تورتەۋىن دە قايىققا شىعارىپ الىپتى. ولاردىڭ ەكەۋى الماتى قالاسىنان كەلگەندەر ەكەن. بىرەۋىندە مۇلدە جان جوق ءتارىزدى. جولداسى سۋعا باتىرماي, جاندالباسالاپ ءجۇرىپتى. بارلىعى دا قاتتى جاۋراپ قالىپتى.
مىرزالى باتىرحان ءوزىنىڭ وسى ارەكەتىن ەشقانداي ەرلىككە بالامايدى. «مەنىڭ ورنىمدا كىم دە بولسا وسىلاي ارەكەت ەتەر ەدى, مەن تەك ولاردى كەزدەيسوق بايقاپ قالدىم», – دەيدى ول. ال اجال تىرناعىنان امان قالعان تورتەۋى: «سۋعا اعىپ, اساۋ تولقىندارمەن ارپالىسىپ جۇرگەندە, ەكى قايىق قاسىمىزدان ءوتىپ كەتتى. ولار ءبىزدى بايقامادى ما, قايىرىلعان جوق. ءبىز باتىرحانعا شەكسىز ريزامىز», دەيدى.
مىرزالى باتىرحاننىڭ وسىنداي بيىك ادامي قاسيەتى, جاساعان باتىل ءىس-ارەكەتى كىمگە بولسا دا ۇلگى بولۋعا تۇرارلىق.
مارات قاشقىنباەۆ.
الماتى وبلىسى,
بالقاش اۋدانى,
باقاناس اۋىلى.
