قر قارجىلىق مونيتورينگ اگەنتتىگى ۇسىنعان مالىمەتتەرى بويىنشا, قۇرىلىس جۇمىستارىن جوسىقسىز جۇرگىزگەن كاسىپكەر كىناسىن تولىق مويىنداپ, ۇرلانعان قاراجات سوماسىن وتەپ شىقتى.
«قارجى مونيتورينگى اگەنتتىگىنىڭ شىمكەنت قالاسى بويىنشا اۋماقتىق دەپارتامەنتى جۇلدىز تۇرعىن الابىندا ورتا مەكتەپ سالۋعا بولىنگەن 5,5 ميلليون تەڭگەنى جىمقىرۋ فاكتىسىن انىقتادى. تەرگەۋ بارىسىندا كاسىپكەر مەكتەپ قۇرىلىسى كەزىندە ناقتى ورىندالماعان جۇمىستار تۋرالى جالعان مالىمەتتەرمەن ەسەپ بەرگىپ وتىرعانى انىقتالدى», دەپ حابارلادى اگەنتتىكتە.
ەڭبەكشى اۋداندىق سوتىنىڭ ۇكىمىمەن قىلمىسكەر ءۇش جىلعا باس بوستاندىعىنان ايىرىلدى.
«قازىرگى ۋاقىتتا بۇكىل ەل بويىنشا جاڭا وقۋ جىلىنا دايىندىق بارىسىندا ءبىلىم بەرۋ مەكەمەلەرىندە قۇرىلىس جانە جوندەۋ جۇمىستارى بەلسەندى جۇرگىزىلۋدە. بۇل ماقساتتارعا بيۋدجەتتەن قوماقتى قارجى ءبولىنىپ, ونىڭ كولەمى جىل سايىن ارتىپ كەلەدى. ال ءبىلىم بەرۋ نىساندارى - جوسىقسىز مەردىگەرلەر ءۇشىن اقشا تابۋدىڭ وڭاي جولى», دەپ تولىقتىردى قارجىلىق مونيتورينگ اگەنتتىگى.
