13 شىلدە كۇنگى اقپارات بويىنشا, ءبىر تاۋلىكتە قالادا 640 ادام كوروناۆيرۋس جۇقتىرعان.
ولاردىڭ ىشىندە سيمپتومدى, جەڭىل جانە ورتاشا دەڭگەيدەگى بەلگىلەرمەن – 574 , سيمپتومسىز – 66 ناۋقاس تىركەلدى.
بارلىق ەمدەلىپ شىققاندار – 139, كەلىپ تۇسكەنى – 302.
«ينفەكتسيالىق ستاتسيونارلاردا 1 947 ادام بار (توسەك-ورىننىڭ جالپى سانى – 5 200 ), ونىڭ ىشىندە 168 بالا ەمدەلۋدە», دەپ ناقتىلادى قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن.
رەانيماتسيا جانە قارقىندى تەراپيا بولىمىندە 133 ناۋقاس جاتىر. ال 28 ەمدەلۋشى جاساندى تىنىس الۋ اپپاراتىنا قوسىلسا, ءينۆازيۆتى ەمەس جاساندى تىنىس الۋ اپپاراتىندا 46 ادام ەم قابىلداۋدى جالعاستىرۋدا. High flow-دا 42 اپپارات جۇمىس ىستەيدى.
مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 3 527 ادام بار. ونىڭ ىشىندە ىندەت بەلگىلەرى بار, ورتاشا اۋىر جاعدايدا - 3194 ناۋقاس. ال, 333 ادامدا ۆيرۋس بەلگىلەرى جوق.
