جۋىردا باتىس قازاقستان وبلىسىنىڭ اقجايىق اۋدانىنداعى تايپاق اۋرۋحاناسى «سالا كوشباسشىسى-2013» اتاعىنا يە بولدى.
جۋىردا باتىس قازاقستان وبلىسىنىڭ اقجايىق اۋدانىنداعى تايپاق اۋرۋحاناسى «سالا كوشباسشىسى-2013» اتاعىنا يە بولدى.
وسىعان وراي اۋرۋحانانىڭ باس دارىگەرى, وڭىرگە تانىمال حيرۋرگ حاميت ەرالين ماسكەۋ قالاسىنا ارنايى بارىپ قايتتى. رەسەي فەدەراتسياسى ساۋدا-ونەركاسىپ پالاتاسىنىڭ كونگرەسس ورتالىعىندا وتكەن ەكونوميكا كوشباسشىسى بولىپ تانىلعانداردى رەسمي ماراپاتتاۋ شاراسىنا رەسەي, ۋكراينا, قازاقستان, بەلارۋس, ازەربايجان ەلدەرىنەن 78 كاسىپورىن قاتىستى. اتالمىش شارا وسىمەن ون ءۇشىنشى رەت ۇيىمداستىرىلىپ وتىر.
ۇلتتىق بيزنەس-رەيتينگتەر حالىقارالىق رەيتينگتىك وداعىنىڭ قولداۋىمەن رەسپۋبليكالىق رەيتينگتىك باعدارلاما بويىنشا قازاقستان ەكونوميكاسىنىڭ كوشباسشى كاسىپورىندارىن ۇلتتىق ستاتيستيكالىق سارالاۋ مالىمەتى نەگىزىندە تايپاق اۋرۋحاناسى سالا كوشباسشىسى بولىپ تانىلدى. سونىڭ نەگىزىندە باس دارىگەر ح.ەرالين رەيتينگتىك قاۋىمداستىقتىڭ «قازاقستان داڭقى» وردەنىمەن ماراپاتتالدى. بۇل وردەن جەكە تۇلعالارعا ەڭبەكتەگى ەرەكشە جەتىستىكتەرى ءۇشىن بەرىلەدى. سونىمەن قاتار, اۋرۋحانانىڭ نەۆروپاتولوگ دارىگەرى جانات جانعاليەۆا «جىل مامانى» اتانسا, كوز دارىگەرى گۇلنار ماكىموۆا «ەڭبەكتەگى تيىمدىلىگى ءۇشىن» مەدالىمەن ماراپاتتالدى.
تەمىر قۇسايىن,
«ەگەمەن قازاقستان».
باتىس قازاقستان وبلىسى.
