قارۋ-جاراق ساقتاۋداعى قاۋىپسىزدىك

29 ساۋىردە قاۋىپسىزدىك كەڭەسى حاتشىسىنىڭ ورىنباسارى – حات­شىلىق مەڭگەرۋشىسى قوزى-كورپەش ءجاڭبىرشيننىڭ توراعالىعىمەن قاۋىپسىزدىك كەڭەسى ينسپەكتسيا­سى­نىڭ كەزەكتى وتىرىسى بولدى. وندا ەكى ماسەلە قارالدى: 1) مەملەكەت باسشىسىنىڭ وق-دارىلەردى ساقتاۋ جانە ولاردى قايتا كادەگە اسىرۋ نى­ساندارىندا قاۋىپسىزدىكتى قام­تا­ماسىز ەتۋ جونىندەگى تاپسىرمالا­رىن ورىنداۋ بارىسى تۋرالى; 2) اسكەري قىزمەتكەرلەردى تۇرعىن ءۇي­مەن قامتاماسىز ەتۋ كەزىندە زاڭ­دىلىقتىڭ ساقتالۋى تۋرالى. كۇن تارتىبىندەگى ءبىرىنشى ماسەلە بويىنشا توتەنشە جاعدايلار ءجو­نىن­دەگى ۆيتسە-مينيستر ۆالەري پە­تروۆ­تىڭ جانە باس اسكەري پروكۋرور ەرعالي مەرزادينوۆتىڭ حابارلاما­لا­رى تىڭدالدى. مەم­لەكەت باسشى­سىنىڭ قارۋ-جاراقتى ساقتاۋ جانە قايتا كادەگە اسىرۋ قاۋىپسىزدىگىن قام­تاماسىز ەتۋگە قاتىستى تاپسىر­ما­لارىن ىسكە اسىرۋ جونىندە مەم­لەكەتتىك ورگاندار قابىلداعان شا­رالارعا باعا بەرىلدى. ەكىنشى ماسەلەنى قاراۋ كەزىندە باس اسكەري پروكۋرور ەرعالي مەر­زا­دينوۆ قاۋىپسىزدىك كەڭەسى ينسپەك­تسياسىنىڭ مۇشەلەرىن اسكەري قۇ­رىلىمداردا تۇرعىن ءۇي زاڭدىلىعى تالاپتارىنىڭ ورىندالۋى تۋرالى حاباردار ەتتى. تالقىلاۋ ناتيجە­لەرى بويىنشا اسكەري ورگانداردىڭ ور­تالىق اپپاراتتارى مەن گار­نيزون­داردا تۇر­عىن ۇيگە كەزەكتى قالىپ­تاس­تىرۋ جانە ونى ءبولۋ كەزىندەگى زاڭ­دى­لىقتىڭ ساقتالۋىن تەكسەرۋ جونىندە قاۋىپسىزدىك كەڭەسى ينس­پەك­تسياسىنىڭ ارناۋلى كوميس­سياسىن قۇرۋ تۋرالى شەشىم قا­بىلداندى. وتىرىس قورىتىندىلارى بوي­ىن­شا مۇددەلى مەملەكەتتىك ورگان­دارعا ءتيىستى تاپسىرمالار بەرىلدى.