استانانىڭ «بارىس» كومانداسى قۇرلىقتىق حوككەي ليگاسىنداعى كەزەكتى ويىنىندا تاتارستاننىڭ «اك بارس» كلۋبىمەن كەزدەسىپ, سىرت الاڭدا 2:1 ەسەبىمەن جەڭىسكە جەتتى.
استانانىڭ «بارىس» كومانداسى قۇرلىقتىق حوككەي ليگاسىنداعى كەزەكتى ويىنىندا تاتارستاننىڭ «اك بارس» كلۋبىمەن كەزدەسىپ, سىرت الاڭدا 2:1 ەسەبىمەن جەڭىسكە جەتتى.
بۇل ماتچتا ءبىرىنشى كەزەڭنىڭ ءۇشىنشى مينۋتى جاقىنداعاندا ءوز قاقپاسىنا شايبانى جىبەرىپ العانىمەن, «بارىستىڭ» حوككەيشىلەرى ويىن سوڭىنا دەيىن بارىن سالىپ, ايدىن يەلەرىنە ەكى شايبانى سوعىپ, قازاننان ماڭىزدى ءۇش ۇپايدى اكەتتى. كەزدەسۋدە «بارىستىڭ» قاقپاشىسى احونەن تىپتەن جارادى. ول ماتچ باستالىسىمەن الاڭ يەلەرىنىڭ تالاي رەت قاقپاعا سوققان شايبالارىن قايتارىپ, «اك بارسقا» ەسەپ تەڭەستىرۋدىڭ وزىنە ەشقانداي مۇمكىندىك بەرمەدى. ال ويىندا ءبىزدىڭ كوماندادان ميحايل راحمانوۆ ەسەپتى اشسا, ودان كەيىن نيكولاي انتروپوۆ ەكىنشى شايبانىڭ اۆتورى اتاندى. «اك بارستان» جالعىز شايبانى تيم ستەپلتون سوقتى.
وسى جەڭىستەن كەيىن «بارىس» قۇرلىقتىق حوككەي ليگاسىنىڭ «شىعىس» ديۆيزيونىندا ءبىرىنشى ورىندا تۇرعان «اك بارسقا» ءبىر ۇپايعا جاقىندادى. قازىر تاتارستاننىڭ كومانداسى 44 ويىننان كەيىن 86 ۇپاي جيناپ, تۋرنير كەستەسىنىڭ كوش باسىندا تۇرسا, «بارىس» 43 كەزدەسۋدە 85 ۇپاي يەلەنىپ, ەكىنشى ورىندا قالدى. ودان كەيىن ءبىزدىڭ كوماندانىڭ وكشەسىن ماگنيتوگورسكىنىڭ «مەتاللۋرگى» باسىپ كەلەدى. ولار 43 ويىننان كەيىن 84 ۇپاي جيناپ وتىر.
ەندى «بارىس» كەلەسى ماتچىن تاعى دا سىرت الاڭدا وتكىزەدى. بۇل جولى وتانداستارىمىز 9 قاڭتار كۇنى نيجني نوۆگورود قالاسىندا جەرگىلىكتى «تورپەدو» كومانداسىمەن كەزدەسەدى.
داستان كەنجالين,
«ەگەمەن قازاقستان».
