وليمپيالىق دەرەۆنيا ويىندارعا دايىن
ءححىى قىسقى وليمپيادانىڭ باستالۋىنا 29 كۇن قالدى
الەم كوز تىككەن سوچي وليمپيالىق ويىندارىنىڭ باستالۋىنا تۋرا ءبىر اي ۋاقىت قالدى. وسى ورايدا ءبىزدىڭ وقىرمانداردى ءدۇبىرلى دودا وتەتىن جەردىڭ دايىندىعى دا قىزىقتىرارى حاق.
وليمپيالىق دەرەۆنيا ويىندارعا دايىن
ءححىى قىسقى وليمپيادانىڭ باستالۋىنا 29 كۇن قالدى
الەم كوز تىككەن سوچي وليمپيالىق ويىندارىنىڭ باستالۋىنا تۋرا ءبىر اي ۋاقىت قالدى. وسى ورايدا ءبىزدىڭ وقىرمانداردى ءدۇبىرلى دودا وتەتىن جەردىڭ دايىندىعى دا قىزىقتىرارى حاق.
بۇل ماسەلەگە بايلانىستى رەسەي پرەزيدەنتى ۆلاديمير پۋتين جاقىندا ارنايى جيىن وتكىزىپ, اقتارىلعان جۇمىستاردى ءبىر پىسىقتاپ شىقتى. وندا سوچي وليمپياداسى ۇيىمداستىرۋ كوميتەتىنىڭ توراعاسى دميتري چەرنىشەنكو جوسپارلانعان جۇمىستاردىڭ كەزەڭ-كەزەڭمەن ىسكە اسىرىلىپ جاتقانىن ءمالىمدەدى. ءدال قازىر سوچي اۋەجايىنىڭ اۋماعى 62 مىڭ شارشى مەترگە كەڭەيتىلگەن. شەتەلدەن كەلەتىن ۇشاقتاردىڭ تىزبەسى تاعى ءبىر مارتە ناقتىلانىپ, قوسىمشا باعىتتار ازىرلەندى. وسى تۇستا اتاپ وتەر ءبىر جايت, اۋەجاي ساعاتىنا 2,5 مىڭ جولاۋشىعا قىزمەت كورسەتە الادى. حالىقارالىق وليمپيادا كوميتەتىنىڭ تالابىنا ساي, ول ەندى 3,8 مىڭ ادامعا قىزمەت كورسەتۋدىڭ مۇمكىندىگىن جاساعالى وتىر.
جالپى, جارىس وتەتىن ورىننىڭ ينفراقۇرىلىمىن دايىندىق ساپىنا كەلتىرۋ جۇمىسى 2007 جىلدان قولعا الىندى. قازىرگى كەزدە مۇندا ءار سپورتشىنىڭ جاتتىعۋى مەن تىنىعۋى ءۇشىن كەرەكتى بارلىق جاعداي جاسالعان. وسى ءىستى جۇيەلى ۇيىمداستىرۋدى ءوز مىندەتىنە العان «بازوۆىي ەلەمەنت» كاسىپورنى باس ديرەكتورىنىڭ ورىنباسارى اندرەي ەلينسون وليمپيادا وتەتىن اۋماقتى قاجەتتى جابدىقتارمەن قامتۋعا 6 ملرد. رۋبل جۇمسالعانىن ايتادى. ونىڭ اينالاسىنداعى ساۋدا نۇكتەلەرى دە مەيمانداردىڭ قاجەتىن وتەۋگە ساقاداي-ساي ءازىر تۇر.
بىزگە كەلىپ تۇسكەن سوڭعى دەرەك كوزىندە وليمپياداعا ارنايى شىعارىلعان بيلەتتىڭ 60 پايىزعا جۋىعىن رەسەي توڭىرەگىندەگى تۇرعىنداردىڭ ساتىپ العانى جازىلعان. وسىدان-اق ولاردىڭ ءدۇبىرلى دودانى اسىعا كۇتىپ جۇرگەنى اڭعارىلادى. دەگەنمەن, جەرگىلىكتى بيلىك وكىلدەرى مەيماندارعا قىزمەت كورسەتەتىن قوناقۇيلەردى رەتكە كەلتىرۋ ءىسىن كۇنى بۇرىن قولعا الدى. ونداعى ءاربىر بولمەدە ينتەرنەت پايدالانۋعا مۇمكىندىك جاسالعان.
«سوچي-2014» ۇيىمداستىرۋ كوميتەتى سىرتتان كەلەتىن كولىكتەرگە جارىس وتەتىن جەرگە بارۋىنا شەكتەۋ قويىلعانىن ءمالىمدەدى. سونداي-اق, وليمپيادا الاڭىنا باراتىن جول ارنايى اق سىزىقپەن بەلگىلەنگەن. «قازىرگى تاڭدا 21 مىڭ كولىك ارنايى تىركەۋدەن ءوتتى. ونىڭ 17,5 مىڭى وليمپياداعا قاتىسۋعا كەلگەن سپورتشىلار مەن مەيماندارعا قىزمەت جاساسا, 3,5 مىڭى ءتۇرلى زاتتاردى تاسىمالدايدى. ءبىر سوزبەن ايتقاندا, جول قاۋىپسىزدىگى قاتاڭ باقىلاۋدا بولادى», – دەدى كولىك ديرەكتسياسىنىڭ باس ديرەكتورى اندرەي جۋكوۆ.
تاعى ءبىر جاعىمدى جاڭالىق. «اەروفلوت» اۋە كومپانياسىنىڭ وكىلدەرى جاھاندىق جارىس كۇندەرى «ماسكەۋ – سوچي – ماسكەۋ» باعىتىنداعى ۇشاقتارعا بيلەتتەر ارزانداتىلعان باعامەن ساتىلاتىنىن مالىمدەدى. وسىعان وراي ەكى ارالىققا بارىپ-كەلۋ بيلەتى بار-جوعى 5 مىڭ رۋبل تۇرادى.
ءامىرحان الماعانبەتوۆ,
«ەگەمەن قازاقستان».
