ول بويىنشا جول جۇرۋگە وتەماقى مەملەكەتتىك ءبىلىم بەرۋ تاپسىرىسى بويىنشا ءبىلىم الۋشىلاردىڭ مىناداي ساناتتارىنا تولەنەتىن بولادى:
- تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن وقۋ ورىندارىندا كۇندىزگى وقۋ نىسانىندا وقيتىندارعا جىلىنا ەكى رەت, قىسقى جانە جازعى كانيكۋل كەزەڭىندە, ءتيىستى جىلعا ارنالعان رەسپۋبليكالىق بيۋدجەت تۋرالى زاڭمەن جىل سايىن بەكىتىلەتىن ايلىق ەسەپتىك كورسەتكىشتىڭ 2 ەسەلەنگەن مولشەرىندە;
- تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن وقۋ ورىندارىنىڭ تۇلەكتەرىنە جىلىنا ءبىر رەت 2 ەسەلەنگەن اەك مولشەرىندە;
- جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ستۋدەنتتەرىنە, ماگيسترانتتارعا جىلىنا ەكى رەت, قىسقى جانە جازعى كانيكۋل كەزەڭىندە 4 ەسەلەنگەن اەك مولشەرىندە;
- جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ دايىندىق بولىمدەرىنىڭ تىڭداۋشىلارىنا-جىلىنا ءبىر رەت 4 ەسەلەنگەن اەك مولشەرىندە;
-جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ تۇلەكتەرىنە - جىلىنا ءبىر رەت 4 ەسەلەنگەن اەك مولشەرىندە بىرجولعى جاردەماقى تولەنەدى.
اتالعان وتەماقى بەرىلۋى ءۇشىن بۇيرىقتاعى ساناتقا جاتاتىن تۇلعالار جول ءجۇرۋ شىعىنىن راستايتىن قۇجاتتى وتىنىشپەن بىرگە وتكىزۋى كەرەك.
«جول ءجۇرۋ ءۇشىن وتەماقى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمىنىڭ اكادەميالىق كۇنتىزبەسىنە سايكەس قىسقى جانە جازعى كانيكۋل كەزەڭىندە قالاارالىق تەمىرجول جانە اۆتوموبيل كولىگىندە (تاكسيدەن باسقا) جول جۇرگەنىن راستايتىن قۇجاتتار (ەلەكتروندىق بيلەتتەر, بيلەتتىڭ كوشىرمەلەرى) بولعان كەزدە تولەنەدى», دەپ جازىلعان بۇيرىقتىڭ جوباسىندا.
