شۆەيتساريانىڭ لوزاننا قالاسىندا جۇلدە قورى 235 238 اقش دوللارىن قۇراعان WTA تۋرنيرىندە زارينا دياس ونەر كورسەتۋدە. تۇساۋكەسەر كەزدەسۋىن شۆەيتساريالىق سيمونا ۆالۆەرتكە قارسى وتكىزگەن ول 6:4, 6:4 ەسەبىمەن جەڭىسكە جەتتى.
ماجارستاننىڭ باس شاھارى – بۋداپەشتە يۋليا پۋتينتسەۆا باق سىناۋدا. العاشقى اينالىمدا جەرلەسىمىز ەكاتەرينا گورگودزەمەن شەبەرلىك بايقاستى. 1 ساعات 36 مينۋتقا سوزىلعان باسەكە 6:4, 6:2 ەسەبمەن ءبىزدىڭ تەننيسشىنىڭ پايداسىنا شەشىلدى. كەلەسى كەزەڭدە ول حورۆاتيالىق انا كونيۋحپەن كۇش سىناسادى.
ال اقش-تىڭ نيۋپورت قالاسىندا شىمىلدىعى تۇرىلگەن اتر دوداسىندا الەكساندر بۋبليك كورتقا شىعادى. العاشقى اينالىمدا ول بوس بولدى. كەلەسى كەزەڭدە وتانداسىمىز حورۆاتيالىق يۆو كارلوۆيچ پەن يسپانيالىق بەرنابە ساپاتا-ميرالەس اراسىنداعى كەزدەسۋدىڭ جەڭىمپازىمەن كەزدەسەدى.
