«يتاليانىڭ جەڭىسكە جەتۋى ونىڭ دەلتا-شتاممنىڭ ءبىزدىڭ ەلدە تارالۋىن تەزدەتتى. ون كۇن ىشىندە ۆيرۋستىڭ بۇل مۋتاتسياسى «بريتاندىق» نۇسقادان وزىپ, باسىم بولدى», دەدى ول دۇيسەنبىدە La Stampa گازەتىنە بەرگەن سۇحباتىندا.
ونىڭ پىكىرىنشە, قازىر كوروناۆيرۋستىڭ تارالۋىن بولدىرماۋ ءۇشىن قولدانىستاعى ەرەجەلەردى وزگەرتۋدىڭ قاجەتى جوق, الايدا ولاردى بۇزاتىندارعا, ەڭ الدىمەن, الەۋمەتتىك قاشىقتىقتى ساقتامايتىن جانە جابىق جەرلەردە بەتپەردەسىز جۇرەتىن جاستارعا قاتىستى ايىپپۇل سانكتسيالارى قولدانىلۋى كەرەك.
«اشىق اۋادا مەديتسينالىق بەتپەردەلەردى مىندەتتى تۇردە كيۋدى قالپىنا كەلتىرۋدىڭ قاجەتى جوق, بىراق ادامدار كوپ جينالاتىن جاعدايلاردى باقىلاۋدى كۇشەيتۋ كەرەك», دەپ اتاپ ءوتتى سيلەري.
«ايدىڭ سوڭىنا دەيىن ينفەكتسيالار سانى قازىرگى دەڭگەيمەن سالىستىرعاندا 3-4 ەسە ارتىپ, جاز بويى وسەدى. بىراق, ەكىنشى جاعىنان, ۆاكتسينانىڭ ەكى دوزاسىن العان ازاماتتاردىڭ سانى بىرتىندەپ ارتادى. قىركۇيەك ايىندا بىزدە يممۋنداۋدى اياقتاعان ادامداردىڭ شامامەن 70-75 پايىزى بولادى», دەگەن بولجام جاسادى ءمينيستردىڭ ورىنباسارى.
شىلدە ايىنىڭ باسىندا جاريالانعان يتاليانىڭ جوعارى دەنساۋلىق ساقتاۋ ينستيتۋتىنىڭ مونيتورينگتىك زەرتتەۋىنە سايكەس, 22 ماۋسىمدا دەلتا-شتامم ەلدىڭ 21 ايماعىنىڭ 16-ىندا تىركەلگەن. سول كەزدە دەلتا-شتاممىن جۇقتىرعانداردىڭ ۇلەسى 22,7 پايىزدى قۇرادى. وسى زەرتتەۋگە سايكەس, ماۋسىم ايىندا اپەننيندە 57,8 پايىز كورسەتكىشىمەن «الفا» («بريتاندىق» شتامم) نۇسقاسى باسىم بولدى.
جەرگىلىكتى مەديتسينالىق ساراپشىلار اگرەسسيۆتى جانە جۇقپالى بولىپ تابىلاتىن دەلتا نۇسقاسىنىڭ تارالۋى قارقىندى دامىپ كەلە جاتقانىن ايتادى. سونىمەن, لاتسيو مەتروپوليتەنىنىڭ ەپيدەميولوگيالىق قىزمەتىنىڭ مالىمەتىنشە, 18 مامىردان شىلدە ايىنىڭ باسىنا دەيىن ايماقتا ء«ۇندى» شتاممىمەن ينفەكتسيا 10 ەسە ءوسىپ, شامامەن 35 پايىزعا جەتتى.
يتاليا بيلىگى حالىقتىڭ 80 پايىزىن ۆاكتسيناتسيالاۋ جانە قىركۇيەك ايىنىڭ سوڭىنا دەيىن ۇجىمدىق يممۋنيتەتتىڭ قالىپتاسۋىنا قول جەتكىزۋ مىندەتىن قويدى. دەنساۋلىق ساقتاۋ مينيسترلىگىنىڭ مالىمەتىنشە, دۇيسەنبى كۇنى ەلدە 57,6 ميلليوننان استام ۆاكتسينا دوزاسى تاراتىلدى.
