ايماقتار • 12 شىلدە، 2021

باتىس قازاقستاندا 31 اۋىل اكىمى سايلانادى

75 رەت كورسەتىلدى

باتىس قازاقستان وبلىسىندا 25 شىلدە كۇنى 31 اۋىل اكىمىن حالىق ءوزى سايلاپ الماق. وڭىردەگى 12 اۋداننىڭ 9-ىندا سايلاۋ وتەدى. بۇل جونىندە وبلىستىق سايلاۋ كوميسسياسىنىڭ توراعاسى عايسا قاپاقوۆ مالىمدەدى، دەپ حابارلايدى Egemen.kz.  

ساراپتاماعا قاراعاندا، 26 اۋىلدا بۇرىنعى اكىمنىڭ وكىلەتتى مەرزىمى اياقتالعاندىقتان سايلاۋ وتسە، 5 ەلدىمەكەننىڭ باسشىسى قىزمەتىنەن ەرتە كەتىپ قالعان. ەندى بۇل ورىندارعا بارلىعى 93 ۇمىتكەر تالاسىپ وتىر. ونىڭ ىشىندە 40 ۇمىتكەردى ساياسي پارتيالار ۇسىنسا، 53 ۇمىتكەر ءوزىن ءوزى ۇسىنعان ەكەن.

«ورتا ەسەپپەن ءبىر ورىنعا ءۇش ۇمىتكەر باسەكەلەس بولىپ وتىر. بايتەرەك، ءبورلى، جاڭاقالا، قازتالوۆ اۋداندارىنىڭ جالپى سانى 9 وكرۋگىندە ءبىر لاۋازىمعا 4 ۇمىتكەر تىركەلدى. ال تاعى 9 اۋىلدا اكىم سايلاۋى تەك قوس ۇمىتكەردىڭ اراسىندا وتەدى»، دەدى عايسا قاپاقوۆ.

وسى سايلاۋدا ءوز مۇشەسىن ۇمىتكەر ەتىپ بايگەگە قوسقان پارتيالار اراسىندا «Nur Otan» پارتياسى كوش باستاپ تۇر. بۇل پارتيادان 25 ۇمىتكەر بايگەگە تۇسەدى. ودان باسقا ساياسي باسەكەگە «اۋىل» مەن «اDAL» پارتيالارى – 5 ۇمىتكەردەن، حالىقتىق پارتيا – 3 ۇمىتكەر، «اق جول» مەن «جسدپ» 1 كانديداتتان ۇسىنعان.

جوعارىدا ايتىلعان 93 ۇمىتكەردىڭ 6-ۋى عانا ايەل ادام. 45 ۇمىتكەر قازىردىڭ وزىندە مەملەكەتتىك قىزمەت اتقارىپ جۇرسە، ونىڭ 20-سى – ءوزى سايلاۋعا تۇسكەلى وتىرعان وكرۋگتە اكىم بولعان. بۇلاردىڭ ءبارى دە سايلاۋعا پارتيا مانداتى بويىنشا تۇسكەلى وتىر.

سايلاۋ دوداسىنا تۇسكەلى وتىرعان باتىسقازاقستاندىق ۇمىتكەرلەردىڭ ورتا جاسى – 41 جاس. ءبورلى اۋدانىندا 26 جاستاعى ۇمىتكەر تىركەلگەن، بۇل ەڭ جاس كانديدات. ال ەڭ ەگدە، ياعني 60 جاستاعى ۇمىتكەر – بوكەي ورداسى اۋدانىندا.

اۋىل اكىمى لاۋازىمىنان ۇمىتكەرلەردىڭ 6-ۋى – ەكونوميست، 10-ى – زاڭگەر ەكەن.

60 ۇمىتكەر ءوزى سايلاۋعا تۇسكەلى وتىرعان اۋىلدىق وكرۋگتە، 27 ۇمىتكەر اۋدان ورتالىعىندا تۇرادى.

«9 شىلدەگە دەيىن 82 كانديداتتىڭ قۇجاتىن تەكسەرىپ، زاڭعا سايكەستىگىن انىقتادىق، ءبارى دە تالاپقا ساي. سونىڭ ىشىندە 66 ادام ۇمىتكەر رەتىندە ناقتى تىركەلدى»، دەدى عايسا قاپاقوۆ.

ايتا كەتسەك، سايلاۋشىلاردىڭ سانى جونىنەن 6671 داۋىس بەرۋشى تىركەلگەن تەرەكتى اۋدانىنىڭ پودستەپنوە اۋىلى ەڭ الدا. ال ءبورلى اۋدانىنىڭ قاراقۇدىق اۋىلدىق وكرۋگىندە نەبارى 180 سايلاۋشى بار ەكەن. اۋدان ورتالىعىنان ەڭ شالعاي جاتقان ەلدىمەكەندەر قاتارىندا اقجايىق اۋدانىنىڭ سارىتوعاي اۋىلى مەن بوكەي ورداسى اۋدانىنىڭ سارالجىن اۋىلى بار. ولار اۋدان ورتالىعىنان 200 كيلومەتر قاشىقتا ورنالاسقان. سونداي-اق 10 ەلدىمەكەندە سايلاۋ بولىمشەسى جوق، ولاردىڭ تاڭداۋىن انىقتاۋ ءۇشىن جىلجىمالى سايلاۋ جاشىگى ۇيىمداستىرىلماق.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار