قازاقستاننان قاشىپ, رەسەي اۋماعىندا جۇرگەن بورىشكەرلەردىڭ بىرى قازاقستاندىق بانكىگە 2 ملن تەڭگە قارىز بولىپ, 2014 جىلدان بەرگى ىزدەۋدەگى 54 جاسار ايەل. ول جەتى جىل بويى رەسەيدىڭ ومبى قالاسىندا جاسىرىنىپ جۇرگەن. ەكى ەلدىڭ بىرلەسكەن ىزدەۋ جۇمىستارىنىڭ ناتيجەسىندە ونىڭ تۇرعىلىقتى مەكەنى انىقتالدى. ەندى ايەل بەلگىلى ۋاقىتتا قارىزىن وسىمىمەن قايتارماسا قازاقستانعا دەپورتاتسيالانىپ, زاڭعا سايكەس جازاسىن تارتاتىن بولادى.
سونداي-اق سوت ورىنداۋشىنىڭ قاۋلىسىمەن 500 مىڭ تەڭگە قارىز بولىپ, رەسەي اۋماعىنا كەتىپ ءىزىن جاسىرعان عابيت مۇسىرەپوۆ اۋدانىنىڭ 42 جاستاعى تۇرعىنىنىڭ دا تۇرعىلىقتى مەكەنى انىقتالدى. ول ءتىپتى تولياتتي قالاسىنا اسىپ كەتىپتى. ال تاعى ءبىر بورىشكەردى پوليتسەيلەر شەكارالاس تۇمەن قالاسىنان ىزدەپ تاپتى.
سونداي-اق, ءبىر تاۋلىك ىشىندە سقو كوشى-قون قىزمەتىنىڭ پوليتسەيلەرى كورشى ەلدىڭ اۋماعىندا جۇرگەن ءۇش اليمەنت تولەمەۋشىنى انىقتادى.
