عالىمداردىڭ زەرتتەۋى كەزىندە ءمالىم بولعانىنداي, سىلەكەي بەزدەرى ينفەكتسياعا ارنالعان رەزەرۆۋار رەتىندە قىزمەت ەتەتىن سىلەكەيدىڭ بولىنۋىنە جانە اعزاعا تارالۋىنا قىزمەت ەتەدى ەكەن. زەرتتەۋ اۆتورلارىنىڭ ءبىرى برۋنو فەرناندەس ماتۋكانىڭ ايتۋى بويىنشا, بۇل جاڭالىق SARS-CoV-2-ءنىڭ نەلىكتەن وتە جۇقپالى ەكەنىن تۇسىندىرۋگە كومەكتەسەدى. بۇرىن گەرپەس سياقتى قاراپايىم اۋرۋلاردى قوزدىراتىن ۆيرۋستار عانا سىلەكەي بەزدەرىن سۋ قويماسى رەتىندە پايدالانادى دەگەن پىكىر باسىم بولىپ كەلىپتى.
مۇنداي تۇجىرىمدى medRxiv پورتالىندا وزدەرىنىڭ زەرتتەۋلەرىن جاريالاعان اقش جانە ۇلىبريتانيا عالىمدارى دا راستاپ وتىر.
«اۋىز قۋىسى COVID-19 ءۇشىن قاۋىپسىز ورىن بولىپ تابىلادى جانە سىلەكەي ارقىلى ۆيرۋستىڭ تارالۋىنا جول اشادى», دەلىنگەن ماقالادا.
زەرتتەۋشىلەردىڭ پىكىرىنشە, ۆيرۋس سىلەكەي بەزدەرىنىڭ قۋىسىنا ەنىپ, سول جەردە كوبەيەدى. سونىمەن قاتار سىلەكەي جۇتقاننان كەيىن كوروناۆيرۋس بىردەن اسقازان-ىشەك جولىنا تۇسەدى.
COVID-19 اسقىنۋىنان قايتىس بولعان 18 ادامنىڭ سىنامالارىن تالداۋ سىلەكەي بەزدەرىنىڭ تۇتىكتەرى مەن اتسينالارىندا رەپليكاتسيالاناتىن ۆيرۋستى جانە بۇل كەزدە يممۋندىق جاسۋشالاردىڭ بەلسەندىلىگىنىڭ ارتاتىنىن بايقاعان.
سونىمەن عالىمدار COVID-19 پاتوگەنەزى تۋرالى ەكى بولجام جاسادى. بىرىنشىدەن, SARS-CoV-2 اۋىز قۋىسىنداعى جاسۋشالاردى جۇقتىرىپ, ولاردا كوبەيىپ, سىلەكەيگە ءبولىنۋى مۇمكىن. ەكىنشىدەن, جۇقتىرعان جاسۋشالاردىڭ پوپۋلياتسياسى ينفەكتسيانىڭ تۇراقتىلىعى مەن بەرىلۋىن قامتاماسىز ەتە الادى. ساراپشىلاردىڭ باسىم كوپشىلىگى بۇل بولجامداردى راستاپ وتىر.
COVID-19 وتكىر فازاسى بار ناۋقاستىڭ بيوپسيا سىنامالارىن زەرتتەۋ كەزىندە شىرىشتى قابىقتىڭ بارلىق قاباتتارىندا ۆيرۋستىق رەپليكاتسيا انىقتالعان. COVID-19 بار سەگىز پاتسيەنتتىڭ سىلەكەيىنىڭ جاسۋشالىق جانە جاسۋشالىق فراكتسيالارىنىڭ ينفەكتسياسى ۆەرو جاسۋشالارىندا تەكسەرىلدى: سىلەكەيدى جاسۋشالارمەن ينكۋباتسيالاۋ كوروناۆيرۋستىق ينفەكتسياعا ءتان تسيتوپاتيالىق اسەر ەتىپتى. ناتيجەسىندە اۋىز قۋىسى جانە وروفارينستە SARS-CoV-2-ۆيۋستارى ءۇشىن اسا جايلى قويما ەكەنىن, ۆيرۋستىڭ وكپەگە تارالۋىندا ماڭىزدى ءرول اتقارا الاتىنىن كورسەتىپ تۇر.
ء«بىزدىڭ زەرتتەۋىمىز اۋىز, سىلەكەي ينفەكتسيانى ىزدەۋدىڭ ماڭىزدى ورنى دەگەن يدەيانى قولدايدى. سىلەكەي تەك جيناۋعا ىڭعايلى دياگنوستيكالىق سۇيىقتىق ەمەس», دەيدى زەرتتەۋشىلەر.
